٨ أغسطس ٢٠٠٩

من حنينى...



يتزاحم بداخلى الاحساس عندما انظر لهذة الصورة

اتذكر طفولة بريئة مليئة بالرقة على شاطىء بورسعيد

قصور الرمال التى بنيتها

الحفرات الصغيرة التى كنت احفرها بيدى الصغيرتان

كمن ينجم عن الماء او الذهب

او عن لحظات من ماس

عن ضحكات صاخبة

عن مرح بة شقاوة الطفولة

ذهبت ولم تعد من وقتها

احس بالحنين الشديد

٦ أغسطس ٢٠٠٩

عيون...

قدماى تؤلمنى كثيرا من الانتظار

عيونى تدور فى كل مكان

تبحث عن ركن مفقود

اين ذهب؟

انظر بداخلى.. بداخل تكوينى

هل ما زلت انا؟

شىء ما فسد..

شىء ما تغير الى لون شاحب..

اووة لقد وجدتها

انها منزوية هناك فى ركن مظلم

لا تكاد تبين

احاول التقاطها فتفلت ثانية

اتدرون ما هى

انها نقطة صدق مع النفس

٢٢ يونيو ٢٠٠٩

شغل مكروباظات...

اليومين دول

والسنتين دول الواحد باة بيسمع حاجات عجب

اجى اركب المكروباص الاقى السواق بيقول

كلة يشخلل



يشخلل اية؟؟؟

هوا احنا طالعين فرح واللا دقة زار؟

عرفت بعدها انى عايش فى المريخ

وان كلة فاهم السيم الا انا

وان يشخلل يعنى يهز

لا لا مش هز وسط

هز جيوب... الابيج يعنى


يوووووووة هوا انا بقيت باتكلم كدا لية انا كمان

شكلى كدا هاحترف وابقا سواق مكروباظ!

٢٠ يونيو ٢٠٠٩

يا مجانييين २...





لا تقوللى باة نايل سات ولا هوت بيرد

ولا حتى هوت دوج

١٧ يونيو ٢٠٠٩

بواقى براءة...

الايام دى بيحلالى اصحى بدرى

يجى من الساعة خمسة كدة

باحس بشعور مختلف

الناس كلها نايمة

يعنى الكون بيطل عليا ببراءة

ويبتسم وانا كمان بابتسم

اشغل شريط جنات

اوطى الصوت على اد الاوضة

دة احلى وقت اسمع فية الالبوم


ينتزعنى من شعور بالضيق من كل الشخوص

فى الشارع

فى العمل

فى الهواء الذى نتنفسة

فى انعدام الضمير.. والاخلاق... والانسانية


لا اريد ان اتعامل ولا اتكلم

يكفينى الى هذة الدرجة

لاحتفظ ببواقى براءة

١٦ يونيو ٢٠٠٩

فين؟؟

هوة اية اللى جرى فى الكون بجد

يوم والتانى اشوف واسمع حوادث مميتة

النهاردة وانا رايح الشغل

حادثة على الاتوستراد

واتنين مرميين على الارض

وجنبهم كومة كروشية من الحديد

اللى كانت عربية.. اللة يرحمها

الدم منظرة صعب صعب

لية الارواح بقت رخيصة كدة

لية التهور جنن الناس كلها

بيجروا على اية

بيموتوا بعض عشان اية

فين عقلنا فين

١٥ يونيو ٢٠٠٩

نداء..



كثيرا ما اسرح بذاكرتى الى طفولتى

الى البراءة

كان الكون بالنسبة لى ملعب وكرة قدم

عالم ميكى والسندباد

لم اكن اعلم من الدنيا الا كقطرات ندى

والان

اين انا.. فى دوامات الحياة

اين البراءة

اين روحى الصغيرة

كل شىء تغلفة المادة

لتسحق كل ما بقى من احساس

وجوة جامدة مشاعر مزيفة

فى كل مكان

الى اين اذهب؟

١٤ يونيو ٢٠٠٩

سلامين وحتة...



كسلان دخل الامتحان وقع منه القلم .‏سلم الورقة



· واحد مشغول اتجوز واحدة مشغولة خلفوا ولد مش فاضلهم.



· ‏مرة مدرس رياضيات خلف ولدين و استنتج التالت.




· دكتور جزمته اتقطعت خيطها وبعد أسبوع لقاها كويسه فك الخياطه





· ولد بيسأل أبوه:هي الحمير بتتجوز؟ قاله :يا بني مبيتجوزش أصلاً غير الحمير



· واحدة بتقول لجوزها اطرد السواق كان حيموتني مرتين في حادثة قال لها خلينا نديه فرصة ثالثة



· صعيدي قال لأبوه: رخصة السواجة خلصت يابوي قاله:من لفك في الشوارع طول النهار



· مسطول صدم شرطي وموته راح متصل بـ122 وقالهم:أحب أبلغكم إنكم بقيتوا 121



· صعيدي قال لأبوه أنا عاوز موبايل قاللوا موافق بس تركب أخواتك معاك .



· محشش بيسأل محشش التعلب بيولد ولا بيبيض قاله التعلب مكار توقع منه أي حاجة



· مرة واحد وقف تاكسي و قاله : ‏فاضي ياسطى ؟؟؟ قاله : ‏ايوه فاضي.. قاله: ‏طيب.. تعالى اقعد معايا عالقهوة شوية !!






· ثلاثة مساطيل قاعدين في سهرة · ا لأول : ‏أنا عندي فلوس أشتري بيها أمريكا الشمالية


· الثاني : ‏وأنا عندي فلوس أشتري بيها أمريكا الشمالية و الجنوبية


· الثالث : ‏و مين قالكم إني رح أبيع



· صعيدي ربح مليو ن خافوا يبلغوه يموت مصدوم .. قال العمده أنا أقوله. قال يا محمدين لو ربحت مليون حتعمل بيهم إيه؟


قال:أديك نصهم ...



مات العمدة !

١٣ يونيو ٢٠٠٩

ولكن.. تبقى الذكريات




فتاة شديدة الجمال

من قلب الطبيعة

لون فستانها هو روح البستان

انها تعدو وتعدو

عن ماذا تفتش

عن حبيبها؟ لقد تقدم بالفعل ليرتبط بها

فى عش هادىء صغير

ولكن اهلها وقفوا لة بالمرصاد

انها تعدو

تفتش عنة.. عن حبة

انة خلف المدى

هل رحل؟

ولكن تبقى الذكريات

١١ يونيو ٢٠٠٩

يا مجااانين...




بصراحة ما فيش اعبط.... اقصد اذكى من كدة

١٠ يونيو ٢٠٠٩

٩ يونيو ٢٠٠٩

٨ يونيو ٢٠٠٩

سطل...




ماهو حاجة من اتنين

يا الفرخة دى ضاربة شندوشتين من عبدة تلوث وعاملة دماغ

يااما قرت جرنان حكومة

تفتكروا انتوا اية
!

٧ يونيو ٢٠٠٩

الحمد للة..




وفى عز الليل الغارق

ما نسيتش ان انا مخلوق

٦ يونيو ٢٠٠٩

٥ يونيو ٢٠٠٩

تن تن تن






صباح الخير اصدقائى الغاليين

يا ترى صاحيين؟

لا طبعا النهاردة اجازة ولسة اكيد كلة فى جزيرة القطن

المهم انا صاحى بدرى عشان اقول

الف شكر لكل اللى سالوا عليا وتابعونى

انا كنت عيان جامد جامد

بس الحمد للة بدات اتحسن

والنهاردة نزلت الشغل تانى

مانا بقالى اسوع تقريبا طريح الفراش

بس الحمد للة على كل شىء

انا سامع صوت زقزقة العصافير برة على الشجرة

ياللا بقى بالاذن عشان هاروح امل لى فنجان نسكافية معتبر

اتفضلوا معايا

٨ مايو ٢٠٠٩

عايز منى اية!




ما خليتش فيا دموع

ما خليتش فيا عذاب

ياريت قلبى كان مخدوع

ساعتها هاقول كداب

فى قربك ما حسيتنيش

فى بعدك غياب بغياب

ما قلتش ما حبتنيش

دة جرحك مالوش اسباب



**من وحى رانيا كردى

٦ مايو ٢٠٠٩

اقرا النكتاااا...



كسلان دخل الامتحان وقع منه القلم .‏سلم الورقة



· واحد مشغول اتجوز واحدة مشغولة خلفوا ولد مش فاضلهم.



· ‏مرة مدرس رياضيات خلف ولدين و استنتج التالت.



· دكتور جزمته اتقطعت خيطها وبعد أسبوع لقاها كويسه فك الخياطه




· ولد بيسأل أبوه:هي الحمير بتتجوز؟ قاله :يا بني مبيتجوزش أصلاً غير الحمير



· واحدة بتقول لجوزها اطرد السواق كان حيموتني مرتين في حادثة قال لها خلينا نديه فرصة ثالثة



· صعيدي قال لأبوه: رخصة السواجة خلصت يابوي قاله:من لفك في الشوارع طول النهار



· مسطول صدم شرطي وموته راح متصل بـ122 وقالهم:أحب أبلغكم إنكم بقيتوا 121



· صعيدي قال لأبوه أنا عاوز موبايل قاللوا موافق بس تركب أخواتك معاك .



· محشش بيسأل محشش التعلب بيولد ولا بيبيض قاله التعلب مكار توقع منه أي حاجة



· مرة واحد وقف تاكسي و قاله : ‏فاضي ياسطى ؟؟؟ قاله : ‏ايوه فاضي.. قاله: ‏طيب.. تعالى اقعد معايا عالقهوة شوية !!



· ثلاثة مساطيل قاعدين في سهرة · ا لأول : ‏أنا عندي فلوس أشتري بيها أمريكا الشمالية


· الثاني : ‏وأنا عندي فلوس أشتري بيها أمريكا الشمالية و الجنوبية


· الثالث : ‏و مين قالكم إني رح أبيع



· صعيدي ربح مليو ن خافوا يبلغوه يموت مصدوم .. قال العمده أنا أقوله. قال يا محمدين لو ربحت مليون حتعمل بيهم إيه؟


قال:أديك نصهم ...



مات العمدة !

٤ مايو ٢٠٠٩

لك انتى..



باحب هواك وعينيك انما

لو قد الارض وقد السما

هاكون اكتر منهم مغرمة

وهاكون اقرب من نفسك ليك



**من وحى جنات

٢ مايو ٢٠٠٩

قطرات عذوبة...



حب امتلاك.. هذا عنوان البوم جنات.. لفت نظرى عدة لمحات بداية من البوستر
جنات تظهر فى صورة شديدة الكلاسيكية والاناقة .. البوستر عموما باللون الابيض والاسود ولعل هذا ما اضفى مزيج من الاصالة والعذوبة معا

ترتدى قميصا مخمليا بسيطا للغاية باللون الاسود وجيب من لون فضى الاجمل من الزى هو خلفية التصوير والتى تظهر السماء وقت ما قبل الغروب وهو ما يجعل لون المساء يزداد انسيابا فى اللوحة فيمنحها رقة فوق رقة ..

حب امتلاك.. لعلنا لا نلاحظة او نحسة فى غمار حياتنا شديدة السرعة والايقاع العنيف.. الكل يريد ان يختبىء بعيدا بما حصل علية.. لا يشاركة احد.. ازدادت وطغت المادية على كل قيمة جميلة.. وعلينا ان نحذر حين نتعامل مع من يحبنا
.. نعم هو لنا باحساس وشعور وخوف حقيقى عليك ... ولكنة ليس امتلاك لمجرد تابلوة جميل!

٢٢ مارس ٢٠٠٩

كدة بالتقسيط..




تلحق يا ما تلحقش

عربية اربعة راكب

ملاكى اسطبل عنتر

موفرة وتعمل ببرسيم 92

فتحنا المزاد

مين يقول هات؟

١٨ مارس ٢٠٠٩

الفلة فى المنافلة..



كان فى مرة مزرعة جزر وكان جنبها مزرعة ارانب كان كل يوم يجى صاحب مزرعة الجزر يلاقى الارانب اكلوا الجزر بتاعه.... كل يوم كل يوم لحد مازهق وقرر انه يروح مزرعة الارانب وجاب شاكوش وكسرلهم كل اسنانهم جاه تانى يوم الصبح لقى الجزر بتاعه برضه متاكل راح عند الارانب ومسك واحد فيهم وقاله: وديتوا الجزر فين قالوه الارنوب: عملناه عثير وثربناه

**************

مرة الجماعة بلدياتنا عملوا اجتماع يناقشوا فيه تأخرهم العلمي.

فقام واحد بيقول : أمريكا طلعت القمر قبلنا واحنا قاعدين

قام رد عليه واحد: خلاص احنا لازم نطلع الشمس.

فقالوا: احنا كدة هنسيح

رد عليه: يا غبي احنا هانطلعها بالليل.

**************


مرة واحد ماكنش بيغير على مراتة فراحت لجارتها وقالتلها جوزى مبيغرش عليا قالت..خدى شبشب ابو حمادة حوتية ع الباب وفعلا حطتة جة جوزها قالها شبشب مين دة قالتلة.. ابو حمادة قالها رجعيهولو ليكون عايز ينزل استغربت وراحت قالت لجارتها ولا عمل حاجة قالتلها خدى بدلة ابو حمادة حوتيها ع السرير شافها جوزها وقالها رجعيها لابو حمادة راحت لجارتها وقالتلها خدى ابو حمادة نفسة حتية فى الدولاب فلما جية جوزها قالتلة انا عايزة اشترى فستان قالها منا لسة جايبلك فستان قالتلة طب تعالى نعد ، فتح الدولاب وقالها أدي 1-2-3 تعالى كدة يا ابو حمادة شوية -4-5-6

**************

واحد معدى لقى ناس بتهيص قوى قالولهم فية ايه

قالوله فى واحد بلدياتنا عايز ينط من سطح العمارة

قالهم خلاص انا طالعلة...

طلعلة وقاله عايز تنتحر لية....

بلدياتنا قاله اصل انا غبى وكل الناس بتقول علي غبى

راح الراجل قايله هاقولك فزوره لو حلتها ماتبقاش غبى

حاجة اسمها زى شكلها

بلدياتنا : ماخبرش

الراجل:البيضة.. اقولك واحدة تانية

حاجتين اسمهم زى شكلهم

بلدياتنا :ماخبرش

الراجل: بيضتين. اقولك واحدة تانية بسيطه و سهله

حاجة كبيرة وسودة وبتجيب لبن واسمها جموسة

بلدياتنا 3 بيضات

راح الراجل ماسكه وراميه

١٧ مارس ٢٠٠٩

اوتوستوب..



قطر الحياة بينا ماشى

بيقف بينا فى محطات

محطات مرح محطات فرح

ومحطات شقا وتعب والم

مشينا كتير تعبنا كتير

مشينا لوحدينا بعدنا

عرفنا الخوف فى عز النور

وبقينا نخاف من حبايبنا

١٦ مارس ٢٠٠٩

احنا مهيسييين..




يادى الحظ الهباب

يعنى ما فيش مية وقلنا ماشى

كمان ما فيش حوض!!

يعنى كويس الجزمة تتبل دلوقتى

١٥ مارس ٢٠٠٩

زمااان..



ولا تقولولى بيبسى بقى ولا كوكا كولا

سيبك منهم وسيبك من دولا

دانا معايا اخر حاجة ومش معقولا

مشروب من سمعة ودلعة بسكولا

١٤ مارس ٢٠٠٩

فى البتنجان...




دخلت اولى برجليا

دخلت ولاحدش سما عليا

طلعت منها بعد سنين

باربع رجول وكمان لية

١٢ مارس ٢٠٠٩

جواهر..



ساعات الواحد فينا بيبيع الدنيا فى ثانية

ويسيب الناس الغالية ويروح للناس التانية

وساعتها الغالى بيرخص

والعالى بيفضل ينقص

وفى لحظة تتوة الكدبة

وتضيع اوهامها وتخلص

ويفوق الواحد فينا يلاقى الناس الغالية

حوالية بتشيل فى حمولة وبتطلع بية للدنيا


**من وحى ايهاب توفيق

١١ مارس ٢٠٠٩

فى الشدة شديد...



مش فاهم بجد!!!

يا اما فاهم نفسة سبايدر مان لولا الظروف

او انة جاى مع العفش ونسيوة

١٠ مارس ٢٠٠٩

من عطور الشرق...



كنت اسمع بالامس لحن قديم

لمسلسل فريد بالفعل

لة رائحة السوسن

نعم كلما رايت مشهدا منة شممت هذة الرائحة

انة الشهد والدموع

واستمعت بتركيز الى تتر المقدمة

بصوت عذب كماء نهير صافى

صوت على الحجار

ايمكن ان يكون الجمال بهذة الروعة

انها ليس روعة حسية

وانما روعة احساس

٩ مارس ٢٠٠٩

ماجد..




ياترى فاكرينها؟

من اعرق مجلات الاطفال العربية

اول مرة اقراها فى رابعة ابتدائى

فاكرين شخصياتها الجميلة

رقيقة الرسم والمضمون

فاكرين ابحث عن فضولى؟

طب فاكرين اختة فضولية

وشمسة ودانة الاطفال البدويات

سمراء وبيضاء بضحكات مشرقة ووجوة شديدة التعبير

كسلان جدا واخوة نشيط

دة مثلا بيفكرنى بسباق السلاحف بتاعة قنوات التلفزيزن المصرى

العالم فووووووووق وهمة فى البطيخ!

مين كمان مين كمان؟

موزة ورشود

معقول كمان مش تعرفوهم؟

وموزة كانت شقية ومجرمة
ورشود بيتخبط كل مقلب والتانى

دى اللى بعد كدة اتعملت فى كتاب فلاش سوزى وميدو

يمكن اللى فكرنى بالموضوع دة مستوى القراءات

اللى كنا بنتعلمها واحنا اطفال لا تزال تحبو سلم الحياة

والبرامج المعتوهة اللى بتيجى دلوقتى للصغار

ويمكن كمان معتوهة اكتر للكبار

لا فية احترام سن ولا اخلاق ولا دين

ولا اى حاجة ابدا

صحيح بقى كلشنكان

٨ مارس ٢٠٠٩

لمحات...




مين دة

فكروا شوية وارجعوا بالذاكرة لسنة 89

ها .. برضة مش عارفين

فاكرين البوم كان مكسر الدنيا وقتها

البوم لولاكى

ايوة.. على حميدة

اطلالة جديدة من موسيقى بمذاق مختلف

بمذاق بدوى ليبى

اكاد ارى صورة الصحارى وهبوب الرياح

اكاد ارى معها خيام بعيدة منصوبة

وجمال تسير مبتعدة

نايات تعزف رقصات بدوية

زينات يملؤها الوان الاحمر والازرق

ايام ولت

وذكريات

٧ مارس ٢٠٠٩

يا نجاااتى.. انفخ البلالين




واحد (ندل) فتح شركة بيبسي ، كتب على كل زجاجة ((رج جيدا قبل الفتح


مدرس في حصة املاء, بيقول للطلبة
'ذهب محمد الى الحديقة يوم الأربعاء'
فواحد من الطلية وقف و قال : يا أستاذ هو الأربعاء همزة على السطر و الا على ألف
المدرس فكر شوية و قاله مشيها السبت


كلب بيقول لواحد صاحبه
هو
قاله هو
قاله هو
قاله هو
قاله هو هو
قاله لو سمحت ماتغيرش الموضوع




اتنين بيحششو عند الهرم فواحد بيقول التاني تعرف ان الفراعنة قعدو سنين يبنو في الاهرامات
التاني قالو يا راجل ليه كدةقالو كل ما يرصو حجرين يجي البوليس ياخدهم


واحد سكران كان بيعاكس واحدة وحشة اوي بالليل
فكان بيقول لها يا وحشة يا وحشة
راحت ملتفتة ليه وقالت له يا سكران
راح قايل لها طب أنا سكران حفوق بكرة .. وانتي ؟؟؟؟؟



اثنين أغبياء فى طياره معديه
الأول قال إنها طياره الرئيس
فقال الثاني إنها مش طياره الرئيس
الأول والله دى طياره الرئيس
الثاني لا مش طياره الرئيس
فاتفقو أي حد معدى يسالوه فعدى واحد فسألوه دي طياره الرئيس
فقالهم يا اغبياء طياره الرئيس بيمشي وراها موتوسكلات


وحده تقول لزوجها ادبح خروفين بمناسبة مرور 25 سنه على زواجنا
قال زوجها طيب و إيه ذنب الخروفين في غلطه أنا ارتكبتها من 25 سنه



واحد صعيدي ماشي في الشارع لقى قشرة موز ... قال ييييه حتزحلق تاني


واحد صعيدي بيدهن الحيطة ..
قالوله حط جرنال تحتيك ..
قالهم لأ أنا كده طايل كويس




كان فيه بطة كل يوم تروح للبقال تقوله عندك سكر
يقولها لأ
اخر مرة قالها لو جيتي هنا تاني حأمسمر رجليكي المفرطحة دي في الأرض
تاني يوم راحت قالتله عندك مسامير ؟
قالها لأ
قالتله طب عندك سكر ؟؟


واحد مسطول ماشي في البيت خبط في أمه .. قالتله ايه ما شفتنيش ..
قالها شفتك بس مش فاكر فين

٦ مارس ٢٠٠٩

كم اتمنى..




هواياتى صغيرة

واهتماماتى صغيرة

وطموحى ان امشى


ساعات معك

تحت المطر

عندما يسكننى الحزن ويبكينى الوتر



*من وحى ماجدة الرومى

٣ مارس ٢٠٠٩

خريف




يتساقط عمرى كورقة خريف

فى مهب الريح

ولكن قبل ان تقع

هل جاءت ورحلت كما جاءت

ام ان هناك من لا يزال يذكرها

٢ مارس ٢٠٠٩

اليها..



كنتى انتى راحة يد ممدودة

انتشلتنى من الاحزان

كم جاهدت لاصل اليكى

اميرتى

تبخرت كل انانيتى

فى بسمة من قلبك الصافى

احتاج اليكى

هنا بجانبى

٢٨ فبراير ٢٠٠٩

مساطيل .. نيو لووك



مسطول قابل واحد صاحبه متغاظ من امريكا، المسطول حب يهدي صاحبه، قاله شوف امريكا من غضب ربنا عليها خلاها هناك فى آخر الدنيا لكن مصر يادوبك ساعتين بالبيجو



عريس مسطول على الآخر في يوم فرحه..بعد المعازيم مامشيوا دخل البيت لقى العروسة قاعدة، قال والله انا كنت عارف في الهيصة دي هاينسوا حد!



اتنين محششين بيتفرجو على ماتش فالمزيع بيقول 'دربكه فى الدفاع، دربكه فى خط الوسط، دربكه فى الهجوم، أوبااااا جوة الجون' فالمحشش قال لزميله 'إلظاهر ان دربكه ده لعيب ميه ميه'



لغز لمحشش: قطار يمشي 60 كلم في الساعة فكم عصفور في الشجرة اذا كان الببسي ب75 قرش؟



مرة اتنين مساطيل قاعدين ومعاهم مراية فواحد مسك المراية وبص فيها وقال الشكل دة مش غريب عليا راح التانى مسكها وبص فيها وقاله إيه يا عم انت مسطول؟ ده انا



واحد مسطول اشتغل سواق تاكسي، شاورتله واحده، وقف وسألها 'رايحه فين؟' قالتله 'المهندسين' قالها 'روحي بس ما تتأخريش



اتنين مساطيل طالعين في الأسانسير واحد بيقول للتانى 'هو الاسانسير بطىء كده ليه؟' قاله 'يمكن طالع على السلم'



محشش قالو له ايه رأيك في الزواج المبكر قال يعني الساعه كام



نمله ماتت على الشط فبيسألو مسطول تعتقد ليه ماتت؟ قال ضحايا تايتنك



مسطول بيسأل واحدة اسمك إيه قالت له أسماء قالها ما فيش اسم محدد



جماعه قاعدين فى غرزه فالبوليس هجم عليهم وكان معاهم عيل صغير فدخل الظابط وحب يستظرف شويه فبيسأل الواد الصغير'و الشمام الصغير اسمه اييييييه؟' قاله'كانتلوب'



-النمر كان كل ما يشوف الأرنب يضربه و يقول له انت ودانك طويلة كده ليه فالأرنب راح اشتكى للأسد فالأسد طلب النمر و قاله لما تعوز تضربه قول له هاتلي جزر لو جابلك جزر اصفر قوله هات جزر أحمر و لو جاب جزر احمر قوله هات أصفر ، النمر قال للأرنب عاوز جزر الأرنب سأله أحمر ولا أصفر قام النمر ضربه و قال له انت ودانك طويله كده ليه



خروف بيسأل خروف 'مر عيدين ومذبوحكش ليه؟' قال اصل انا متسجل في شهاده الميلاد حمار



مره صرصار طلع من الخلاط قال يخرب بيت إللى يدخل الملاهى تانى



حمار شاف حصان قال اخ لو اني مخلص الثانوية



حمار بيقول لخطيبته امتى هنتجوز ياحمارة قالت له لما تحسن الفاظك ياحيوان



واحد ركب اتوبيس.. جاله الكمسرى بيقول له تذاكر ... قال له امين شرطه..... سابه وراح للى جانبه قال له: تذاكر ... قال له: أبراهيم شرطه



مرة واحدة قالت لزوجها اليوم بصيت لنفسى فى المراية لقيت نفسى قمر14 تفتكر كده غرور قالها لأ غرور ايه ده كدة يبقى عمى



مدرس لغة عربية بيدى درس خصوصى لطالب والده جزار فطلب المدرس من التلميذ وضع كلمة ينابيع فى جملة من عنده فكر التلميذ طويلا وقاله لما 'بكون واقف فى المحل مع ابويا ينابيع يا ابويا يبيع'



واحد راح مطعم في فرنسا.... كان عايز يطلب شوربه قال للجرسون ( جارسوه عايز واحد شوربوه)

فالجرسون قاله باردون؟

قال الراجل لا سوخنو

٢٣ فبراير ٢٠٠٩

العقل زينة فى الفترينة!



كل مرة اقرا جرنال حكومى .. اهرام اخبار واللا جمهورية
يجرا لى كدة
!!

تفتكروا دى ليها علاج؟

٢١ فبراير ٢٠٠٩

تعالى لحموا يا ولة!




حذروا فزروا؟؟

دة مين ودووول مين
!!

٧ فبراير ٢٠٠٩

من بعيد




اتيت من بعيد

وما زلت بعيد

اقترب من النافذة

ارى ضوء القمر

يغرق الكون فى سرب من الاطياف

ابتسم رغما عنى

عن الامى الدفينة

انظر بعيدا اكثر

المح نجمتين على المدى

ليتنى كنت مثلهما

ليتنى اترك هذا الكون المزيف

انظر مرة اخرى الى القمر

وابتسم من جديد

١٨ يناير ٢٠٠٩

قطط احداث




دة اية الحب المنيل بنيلة دة؟

١٧ يناير ٢٠٠٩

طاقة نور




مهما كنت حاسس انك بعيد بعيد

وان المشوار لسة طويل

بس ابدا

مهما كان الوضع انهيار

فية طاقة نور

شب لها

وبص وملى عنيك

وامشى وامشى

وباذن اللة هتوصل

١٠ يناير ٢٠٠٩

ومن؟




وانظر فى المراة

لا ارى شيئا

من انا وماذا اريد

لم تعد الاشياء كما كانت

صرت افتش فى الذاكرة

عن بسمة هاربة

عن امل شارد

عن فرحة مؤقتة

فتتسرب من يدى

من انا؟

٣ يناير ٢٠٠٩

ومازلت ابحث



ومازلت ابحث بداخلى

ابحث عن الروح النقية

والابتسامة الصافية

لم تكن تفارقنى

ولكن لم اعد اجدها

لن اياس

وانا اعرف

انها هى ايضا تبحث عنى

ربما ضللنا الطريق سويا بعض الوقت

ولكننا سنلتقى

سنلتقى

٢ يناير ٢٠٠٩

وكل سنة حلوة




بيب بيب

انا باخبط عليكم بس عشان اقول

كل سنة وانتوا طيبين

ومن اللى بالى بالك بعيدين

ومن اللحمة لاقيين

وماحناش هفتانين

كل سنة وانتوا مدونين

حلوين وكتكوتين

ومنورين المكان منورين