ياترى فاكرينها؟
من اعرق مجلات الاطفال العربية
اول مرة اقراها فى رابعة ابتدائى
فاكرين شخصياتها الجميلة
رقيقة الرسم والمضمون
فاكرين ابحث عن فضولى؟
طب فاكرين اختة فضولية
وشمسة ودانة الاطفال البدويات
سمراء وبيضاء بضحكات مشرقة ووجوة شديدة التعبير
كسلان جدا واخوة نشيط
دة مثلا بيفكرنى بسباق السلاحف بتاعة قنوات التلفزيزن المصرى
العالم فووووووووق وهمة فى البطيخ!
مين كمان مين كمان؟
موزة ورشود
معقول كمان مش تعرفوهم؟
وموزة كانت شقية ومجرمة
ورشود بيتخبط كل مقلب والتانى
دى اللى بعد كدة اتعملت فى كتاب فلاش سوزى وميدو
يمكن اللى فكرنى بالموضوع دة مستوى القراءات
اللى كنا بنتعلمها واحنا اطفال لا تزال تحبو سلم الحياة
والبرامج المعتوهة اللى بتيجى دلوقتى للصغار
ويمكن كمان معتوهة اكتر للكبار
لا فية احترام سن ولا اخلاق ولا دين
ولا اى حاجة ابدا
صحيح بقى كلشنكان
هناك ٢٨ تعليقًا:
اول تعليق
D:
اه فكراها
وفاكرة ميدو وسوزى والقطة السودا
وكريم ابو شعرة واحدة
وتوتو عضلات ...
والبحار الغبي وعلام
وفى التليفزيون كانت ماما نجوى وبقلظ
كانت حاجات بسيطة اوى وكنا بنتفرج ونتشد ليها بردو
وعروستى ...
اللى انا لغاية دلوقتى مش فاهماه
D:
او بمعني اصح كنت بحس بملل وانا بتفرج عليه بس فى نفس الوقت بحب اتفرج عليه بردو
وعم دهب وبطوط وتوتو ولولو وسوسو
D:
بقالك بوستين بتفكرنى باللذى مضي مش عارفة ليه
صباح الخير يافندم ^_^
صباح الاشراق يا طيبة
يا ترى لية بافكرك بحاجات قديمة يا انستى العزيزة؟
عشان زى ما بيقولوا دايما old is gold
ومعظم الحاجات القديمة غالية جدا.. قيمة انسانية او قيمة مادية
الحاجات البسيطة دى لسة سايبة جواكى اثر.. وجوايا كمان.. وجوا ناس كتير لما بنفتكرها بنحس بالسعادة وبنتنفس هوا نضيف جوة روحنا احنا فعلا محتاجينة
صباح الانوار يا فندم
ياذكرياتك
انا حسه اني رجعت طفله تاني :)
صباح الخيييييييييييييييييير
لا صراحه دى مكنتش بقراها
لانى كنت بحب ميكى اكتر
وبقرا تان تان
عموما لو لسه عندك منهمن
ممكن ابقى استعيرهم
لانى مازلت لحد بقرا القصص دى
واخدها من العيال اللى فى المدرسة عندى
كيارا
اى خدعة
هههههههههههههههههههه
الفراشة الصغيرة
هوة كان فية حد مش بيحب ميكى.. بس ميكى اجنبية وفية منها اصدارات دول اوروبية انما عربى مترجمة بس
انا باتكلم عن المجلات العربية...
ممممممممممممممم
زى مجلة سمير المصرية.. مجلة سعد الكويتية... ماجد الاماراتية
عندى منهم نسخ قليلة مش كتير انما طبعا تحت امرك بس ابقى رجعيهم
ههههههههههههههههه
انا بقراها لغاية انهاردة
مش بفوت عدد
طوروها شوية عن زمان
وحطو فيها مسابقات وصفحة للكمبيوتر
والمراسلة عبر الايميل
فضولي طبعا زي ماهوه
وتبادل الطوابع موجود
ههههههههههههههه
انا لسه عيله
بس والله انت رائع
فكرتني بحاجات تحفة
طبعا انا مش ناسية اوووي
بس الذاكرة
ولو ليك في الفيس بوك خد اللينكات ديه
حتلاقي فيها جروبات لجيل التمانينات
وفيها كل ذكريتنا الجميلة
جيل العز ياجيلنا جيل ال80
http://www.facebook.com/group.php?gid=22990930754
http://www.facebook.com/groups.php?id=759153696#/group.php?gid=69365207192
ربنا يكرمك
سلام
انا بعتبر مجلة ميكى
اكبر معلم لىّ ولغيرى
فى التاريخ لان فعلا
المادة بتاعتها
والطريقة تخلى
اى طفل يحب
القراءة
تعالى للموجود الان
فى سبيس تون ومش عارفة ايه
التانية دى خبط ورزع وضرب وبوووم
لمابيجى اولاد اخواتى مش
عايزة اقولك بيبقى
حيجى لىّ انهيار
عصبى من
الاصوات
بس انا بقى على ايامى
ولا بلاش على ايامى
دى علشان
ده سر:)
بصراحة انا عمرى ما سمعت عن المجلة دى .. اصل عام 1985 كنت لسه مولودة .. واول مجلة مسكتها وقرأتها كانت علاء الدين وبلبل .
بس كانت ايام حلوة اوووووووووووى .
نفرتارى
كل عام وانت بكل خير وسعادة وصحة جيدة ان شاء الله .
تحياتى ،،
نفرتارى
هههههههههههه
رجعتنى بضفاير والله برافو عليك
كانت احلى ايام فى الدنيا
بوست كلة بسمه طفولية
تحياتى
صباح الصباح
السلام عليكم ورحمة الله وبركاته
فى يوم ميلاد المصطفى صلى الله عليه وسلم ادعو الله لى ولك بالخير وجميع اهلك ومن احببتم بالسعادة والسرور
لك تحياتى والسلام عليكم ، ولا سلام مع اليهود
بجد مبسوط ان في حد فاكر الشخصيات القيمة بتاعت زمان
الي كان ليها هدف مش زي شخصيات اليومين دول
تقبلي مروري سيدتي
مجنووون
وردة
جميل بجد يا وردةبس متهيالى بقت غالية اوى يمكن اعدد ب خمسة جنية؟
مش كتير شوية.. انما فضولى وفضولية دول بجد شربااات
كمان موزة ورشود وشمسة ودانة.. بس مش عارف ضموا شخصيات جديدة والا لا
نورا
انتى صح الى حد كبير بالنسة للكارتون العنيف اللى كلة حرب ومدرعات.. معقول دى حاجات اطفال.. دول يبقوا احداث مش اطفال
انما برضة فية حاجات جميلة وبتعجبنى زى تيمى ترنر ودكستر ودة بالذات سوو نايس
نفرتارى
كل عام وانتى بالف سعادة ويارب الايام الجميلة عليكى تدوم
الا صحيح انتى كلية اية؟
سهر
هههههههههه
اى خدمة يا فندم ويارب الابتسامة دايما تنورلك طريق
استاذى العزيز بيرم
اسعد اللة كل ايامك وشرفنى كثيرا مرورك الكريم
مجنون
نورتنا يا مان
يا ابنى اقرا البروفايل.. صباح الصباح مذكر مش مؤنث!
نورت يا باشا ومش فاهم مدونتك اسمها مجنون بس كلام بوستاتك عاااقل جدا
آه والله يا محمد
أنا كنت بحب كابتن ماجد جدا
وكنت حريص اوي أني أجيبها
والكابتن رشدان تقريبا الضابط
هو مش كان اسمه رشدان؟؟؟
والله زكريات جميله جدا
رجعتني لأيام مفيش أحلى ولا أجمل من كده
على فكره
كل ما حنرجع بالتاريخ لورا حنلاقي الحياه كانت أكثر بساطه والحاجات أقل
والحب أكتر
يعني السبعينات كانت أجمل من الثمانينات والستينات أجمل وأجمل وهكذا
بس فعلا المستوى عمال ينحدر كل زمن عن سابقه ومش عارف حتسوء لحد فين
ربك يسترها
ياااااه والله كانت أيام جميلة قوى
كل عام وانت بألف خير وصحة وسعادة
عاشقة الورد
احمد ك
صباح الخير يا مان
هوة مش رشدان هوة كان النقيب خلفان والمساعد فهمان
يعنى كدة تاخد 7 من 10
هههههههههههههه
نورتنى بجد
صدى الصمت
فعلا ايام جميلة.. لكنها ولت
على فكرة ان خلاصت كلية حقوق يعنى انا محامية .. بس انا كنت بشتغل وبدرس علشان كده انا بشتغل منذ 7 سنوات بس لسه متخرجة من سنتين .. بس .
هو انت بتشتغل ايه ؟؟ " الجواب اختيارى "
تحياتى ،،
نفرتارى
الله يسعد صباحك ياباشا ، إنت فكرتني بأيام فل الفل ،لسه في ناس فاكره شخصيات زي شخصيات ماجد ، كان فيها قصة مدبلجه لواحده إسمها بي بي B&B دي كانت أكتر واحدة باحبها ، و مرة فزت بجايزة في مسابقة من المسابقات ولسة عندي الفلوس بتاعة الجايزة لغاية دلوقت ( 15 درهم إماراتي ) أنا برضه بدأت أقرأ ماجد لما كنت في رابعة إبتدائي ، أنا كنت باحب أقرا كل حاجه ...
سمير ، ميكي ، ماجد ، باسم ، فلاش ، سماش ، رجل المستحيل ، ما وراء الطبيعة ، إيه كمان ؟
بطلت أقرا ماجد لما دخلت الكلية لما بقى عندي 17 سنة ، بصراحة فضيت أكتر للكتب الكبيرة بتاعة هويدي و عمارة و مصطفى محمود و لسة بحب اقرا ما وراء الطبيعة ( أحمد خالد توفيق من أكتر الناس اللي بحبهم و أحترمهم ).
شكراً يا مان على موضوعك الجميل.
كلامك صح بجد والأخطر من مجلات الأطفال التافهة الكارتون اللي بوظ دماغ أطفالنا.. بجد أمنيه حياتي اللي انا حفضل أحاول لغاية متتوجد على أرض الواقع
شخصية كارتونية عربية اسلامية تغرس القيم وجذابه في نفس الوقت لكن المشروع ده محتاج امكانات مادية وافكار جامدة قوي أدعيلي
وأدعو لزيارة مدونتي
إرسال تعليق