بجد حاجة تفرس
المتاجرة بالدين بقت عينى عينك وعلى الملا للاسف
خد عندك
لتنزيل رنة وحوى يا وحوى اتصل ب صفرين تلات اصفر صفرين
سعر الدقيقة
جنية ونص
تيجى تتصل
يرد عليك الصوت المميز
للغة العربية اضغط الرقم 1
للغة الهندية اضغط 2
للغة الفينيقية اضغط 1100
انتا نمت كويس وحلمت مش كدة؟
عندك خط تفسير الاحلام على الهوا بصوت الشيخة ستوتة
لا استنا ممكن كمان نسمع بلاويك وتفضفض معانا مع المذيع الحبوب (عمرو دبدوب)
عاوز تعمل عمرة؟ نفسك؟
اتصل على الخط الساخن 0900100100 لتكسب رحلة عمرة
(قمار علنى)
كمان فية سحور رمضانى راقص مع الفنانة اللولبية فتكات
وخلى بالكو فية النجم المحبوب كمان
شعر الصدر حسين بتاع طيببببة قلبك!!!
هيييييييييييييييييية
اتصل على الخط الساخن 0900100100 لتكسب رحلة عمرة
(قمار علنى)
كمان فية سحور رمضانى راقص مع الفنانة اللولبية فتكات
وخلى بالكو فية النجم المحبوب كمان
شعر الصدر حسين بتاع طيببببة قلبك!!!
هيييييييييييييييييية
لا وماننساش المسلسلات
العدل جروب يقدم.. حتة مش فى الزنزانة
بطولة النجمة (يمنى)
استنوا معانا واوعوا تقوموا من ادام الشاشة
بجد حرام اوى كدة.. وعلى قناة من القنوات الكوميدى الجديدة مستضيفين بنتين بيغنوا سوا ولابسين... تقريبا مش لابسين
واستنونا فى رمضان
يا جماعة دة رمضان شهر العتق واكرم ما فى الزمن عند رب العالمين
انا عن نفسى للاسف مش متدين اوى ومش باصلى التراويح كل سنة بانتظام بس عندى امل اكون انسان كويس وربنا يا رب يوفقنى واختم القران ان شاء اللة السنة دى
يا رب
هناك ٥٨ تعليقًا:
اللهم بلغنا رمضان و اعنا على صيامه و قيامه و اجعلنا من عتقائك من النار في هذا الشهر الفضيل
امين
أختكم
عبير عبد الشافي صاحبة مدونة طهقانة و كلبوزة لكن سمباتيك
ياربى على القنوات الفضائية تحس انها بتتسابق بينها و بين بعضها على عدد المسلسلات اللى هتعرضها يعنى مثلا قناة كذا 18 مسلسل فى شهر رمضان الكريم .
طيب خد دى الشيخ ..... على قناة .... حصرياً ًحتى الدعاة بقوا يقولوا عليهم حصرياً,
ربنا يهدى و رمضان كريم
"تحيلتى"
اولا كل رمضان و انت طيب و ان شاء الله تكون من المغفور لهم فى الشهر الكريم
ثانيا : هما بيتاجروا بكل حاجة و كل حاجة بقت عيب خلاص
والله عندك حق الواحد حاسس ان الناس نسيت الغرض الأساسى من الصيام وشهر رمضان من كتر ال بنشوفة ونسمع عنه اللهم ارحمنا وارفع مقتك وغضبك عنا
اللى يصوم الشهر كله شو بنقوله
شاطر شاطر
واللى بياكل كل فطوره شو بنقوله
شاطر شاطر
واللى بيصلى كل فروضه واللى يصحا
عند سحوره
شو بنقوله
شاطر شاطر
فعلا رمضان بقي موسم
الناس بقت عايزة تعمل كل حاجة فيه وتهدف للفلوس طبعا من التليفزيون للشارع لمعظم الاماكن
كل واحد المفروض يدور علي نفسه في الشهر الكريم ده
وياريت نمتنع عن تشجيع هؤلاء بعد الاستجابة لهم اطلاقا
اللهم اغفر لنا
تحياتي
- (( اللَّهُمَّ لا سَهْلَ إلا ما جَعَلْتَهُ سَهْلاً وأنْتَ تَجْعَلُ الحَزَنَ إذا شِئْتَ سَهْلاً )). رواه ابن السني وصححه الحافظ
ادعي بهذا الدعاء مع يقين الاجابه
وأن شاء الله لن تفوت صلاة التراويح..
وكل عام وانت الى الله أقرب,,
والله المستعان على ما نرى ونسمع
فكرتني بإعلان ميلودي تريكس :
دسوقي السيد على أمين مخزن وعنده سبعة وتلاتين سنة كسب فلوس كتيرة مُلة واتجوز دانا عشان جاوب على السؤال : حاجة في الشارع وليها أربع عجلات .. وقال عربية زبــالة ..
ربنا يكرمك يا رب و كل المسلمين و نصوم السنة دي بجد
آمين
مش عيب أن الناس تحاول تكثر من رزقها في رمضان وتستغل هذا الشهر الكريم
لكن العيب أن يكون بشكل فيه نصب
وإحتيال على الناس
موضوعك جميل وقيم
ربنا يبارك فيك
وكل سنه وإنت طيب
ويا صديقي العزيز
عايز أحذرك من شخص دخل عندك
وساب تعليق
وهو متنكر في إسم مثيلي قوي
أي بمعنى تاني
شاذ قوي كما يدعي
وبالإضافه لكده هو ملحد
وله مقاله إستهزأ فيها بالإسلام
ووضع فيها صور مسيئه لديننا
وقام بحذفها بعد أن نبهت أحد الإخوه منه
وله تعليق عندي لسه مرديتش عليه
تابع ردي لتعرف حقيقته
حمانا الله وإياكم من شياطين الإنس
علشان الجن بيصفد في رمضان لكن الإنس لا
في أمان الله
طهقانة..
اللهم اعنا على فعل الخيرات يا رب.
nonni
واللى يحرق الدم زى برنامج الجنة فى بيوتنا اللى استضاف مطرب مشهور اوى على انة هوة القدوة وانة مش عارف يتغير
يا سلام.. واللة ناس اخلاق!!!!!!
ma3lina
رمضان مبارك علينا جميعا يا رب
على فكرة عاجبنى اوى القطة اللى فى البروفايل.. دة جارفيلد مش كدة؟؟
صدى الصمت
للاسف كلامك سليم والحياة كلها غلب عليها الطابع المادى اما الروحانيات فبقت تعد من الاثار..
الريم..
ههههههههه
ان شاء اللة هابقى شاطر شاطر شاطر
اللهم امين
وكل سنة وانتى طيبة
kochia
كلامك صح يا كوشيا.. وباذن اللة هاحاول انى ابعد عن كل الحاجات دى واصفا بنفسى شوية..
كل سنة وانتى بالف خير
m.k
اللهم امين يا رب
ساعدنى يا رب كى ارجع نقيا مرة اخرى
قطرات..
هههههههههه
ميلودى توونز.. اوول انجليش اول ذا تايم
بجد حاجة تفرس واللى بيحصل دة مستفز جدا..
ahmed_k
صديقى العزيز.. نورتنى
العيب يا احمد فى رايىى هوة المتاجرة فى الدين اللى هوة الحاجة الروحانية الوحيدة فى حياتنا.. تبقى رنة موبايل وتوون ونزل كليب سامى يوسف
مش دة الاسلوب الصح اللى يتناولوا فية المقدسات الدينية.. الموضوع كلة تجارة والمثل بيقول اية (اللى تكسب بة العب بة) وهمة للاسف بيعملوا كدة.
انا ما كنتش عارف اقرا عنوان المدونة اللى باعتاة الكومنت اللى بتقول علية ولما عرفت اتصدمت وفضلت مزبهل اكتر من ساعة مش مصدق!!!!!!
ربنا يهدى الجميع يا رب.
حبيب قلبي بعد صباح العسل
للاسف المتاجره لم تعد بالدين فقط وانما تعددت اوجه المتاجره واصبحت بآلام الناس واحلامهم ووجدنا من استطاع ان يتلاعب على اوتار الجروح والحرمان والحياه القاسيه كي يستنزف البسطاء من الناس
ولكن العيب مش عليهم العيب على المغفل الي يبادر بدعم هؤلاء العصبجيه عن طريق تصديقهم والوقوع في شركهم
تحياتي
احنا المفروض ناخد بالنا ونفهم احنا عايزين ايه وبنعمل ايه كويس اوى كلامك مظبوط ورمضان كريم
يارب
كلما طرق هذا العبد بابك
أفتح له كنوزك
و سخر له عبيدك
و ابسط له رحمتك
اللهم اجعله من الصائمين القاثمين
الركع السجود
و بارك له فى شعبان و بلغه رمضان
فى يسر و سلامة و امان
اللهم امين
كل سنة و انت الى الله اقرب
تقول ايه مولد بقه
بس بص للجوامع هاتلاقيها مليانه ناس الحمد لله
كل سنه و انت طيب
الموضوع جمل اوى والمدونه جميله اوى وعلى فكرة البوست جميل وكله جميل
الحقيقه مفيش احسن من رمضان وثوابه
وعلى فكره انا كمان عامله موضوع عن رمضان ياريت تزوره انا مش بعمل كده علشان الاعلان ولكن علشان الثواب
رمضان كريم
لرمضان افضل
انت بتشتغل فى ناتا للبترول
ما شاء الله
مدونة جميله
و فعلا و الله احنا على فكرة اللى سايبين اسلامنا يتهان
حسبنا الله و نعم الوكيل
و جزاك الله خيرا
و كل عاك و انتم بخيررررررر
رمضان كريم
و تحياااااااتى
هههههههههه والله البوست على قد ماهو محزن لكن اسلوبك جميل اوى
ولا اعلاناتك عليك حبة اسماء :))
يارب اهديهم والله القنوات دى بتتفنن فى كيفية بعد الناس عن الطاعات
ربنا يهديهم ويهدى شباب المسلمين
متنساش تدعى عند الفطار ان ربنا يعينك على ختم القراءن ويبلغك رمضان وان شاء الله تنتظم السنة دى
وخليك معانا وان شاء الله كلنا هنشجع بعض
كل سنة وانت طيب
تحياتى
ايمى
كبر وروق وسيبك ولا كأنك شفت او سمعت حاجه
كل سنه وانت طيب
وان شاء الله رمضان السنة دى يكون احسن علينا كلنا
بجد انا حاسه انه مختلف
ان شاء الله خير
والله معاك حف
حاجه تفقع المراره وتجيب الضغط والطحال والامراض اللي في الدنيا
كل سنه وانت طيب
رمضان كريم :)
العمدة الكبير..
للاسف فعلا الناس بقت عايشةفى وهم كبير وكلة بقى بيحارب بعض فى سبيل لا شىء
اما الكبار فعاملين للاسف الناس حقل تجارب كبير واللى يتكلم عارف طبعا اية اللى هيحصل لة!!
كل عام وانت بالف خير
شاشا..
فعلا والشهر الجميل دة لازم نعرف سكتنا فية على فين.. على المسلسلات والرقاصين اللى فى كل قنوات الفضائيات .. واللا الى طريق الايمان والنقاء
يارب يكون طريقنا كلة نقاء
قوس قزح
ربنا يكرمك يا رب بقدر ما اسعدتينى بالدعاء الجميل ليا.
mohra
كلام سليم.. وطبعا دى حاجة مفرحة جدا.. انما للاسف بعض الشهر ما يخلص اية اللى هيحصل؟
انى احبكم فى اللة..
وانا كمان احبكى فى اللة ونورتينى جدا ويارب يكون شهر خير وسعادة وبركة عليكى باذن رب العالمين.
الريم..
ناتا للبترول؟ هوة انا ما سمعتش عنها قبل كدة.. ممكن تكون عندكو فى اسكندرية بس.
انا فى شركة تانية مصرى امريكى.
لؤلؤة الاسلام
فعلا ديننا قوى جدا بس احنا اللى بنسىء تطبيقة بسلوكياتنا اللى مش صح..
احنا لو تمسكنا بية صح مش ممكن حد يقدر يقف فى طريقنا ابدا وهنوصل لاعلى درجات الرقى.
emmy baby
فعلا الموضوع مخطط كبير لتدميرنا بس احنا ان شاء اللة مش هنستسلم
sometimes
كل سنة وانتى بالف صحة وسعااادة
المهم سيبيلى حتة كنافة
ههههههههههه
كيارا..
يا بنتى دى حاجة تجنن
مهى الناس دى حاجة من اتنين
يا اما بتستهبل ..... يا اما بتستهبل!!!
ايه ده؟ دة أنا اتأخرت أوي؟
كل سنة وإنت طيب يا مان وربنا يقدرك علي طاعته عز وجل .
استني نسيت أضحك
هههههههههههههههههههه
بجد بوست جميل جدا وكنت بافكر أكتب عنه ، بس انت سبقتني .
بس هي أغنية وحوي يا وحوي ليها علاقة بالدين؟!!
دمت بكل الود أخي ، صوما مقبولا وافطارا شهيا.
ملحوزة : تعال عندي في هدية مني ليك أتمني تقبلها . ماشي ، مستنيك
معقولة مسمعتش عن ناتا زاى من اكبر شركات البترول وبعدين هى مش فى اسكندرية ديه فى مصر ف التجمع
الريم
مش عارف بجد يا ريم.. احتمال تكون شركة جديدة او خدمات.. اصل البترول كذا نوع
*شركات زيت
*شركات غاز
*شركات خدمات
وكل واحدة تحتيها كذا category
ربنا يكرمك ويوفقك وتختم القرأن كله اكتر من مره بس المهم التدبر والفهم الجيد للقرأن مش مهم الكم
وبجد البوست بتاعك دمه خفيف جدا
وعندك حق فى الى بتقوله وبالذات موضع التليفونات ده حاجه بقت تخنق بجد كل شئ على 0900 ناقص يقولوا لو عايش تدخل الجنه اتصل على 0900
وربنا يعنا ويصبرنا
وكل سنه وانت طيب
اتمسى بالخير
أسأل الله الذي لن تطيب الدنيا إلا بذكره
ولن تطيب الآخرة إلا بعفوه
ولن تطيب الجنة إلا برؤيته
أن يديم ثباتك ويقوي إيمانك وصحتك
ويرفع قدرك ويشرح صدرك
ويسهل خطاك لدروب الجنة
وأن يجعلك من عتقائه من النار
ومبروك عليك شهر رمضان
the fuhrer
البوست الاخير ليك بجد مبتكر.. كل سنة وانت طيب وشكرا على الهدية الجميلة.
تجرب المحب..
الجديد باة يا ستى ان الموضوع اتنقل لبرامج الاطفال .. امبارح شفتها بالصدفة على mbc3 والاسئلة بنفس الاسلوب الذكى جدا..
مين هوة شخصية توم فى توم وجيرى
1-تمساح
2-بطة
3-قطة
لا ناصحين بجد
نهر الحب..
اشكر لك كثيرا هذا الدعاء الجميل.. يا رب يكرمك ويوفقك دايما
مش عارفه واله اقولك ايه لبا تعليق
المهم كل سنة وانت طيب
سيبك سيبك
ركز انت بس في اللى بتعمله
اوعاك تفتح التلفزيون
اصلا
كفاية عليك المدونات
بجد الناس المدونين عملين احلي شغل الايام دي
علي فكرة
انا ممكن ازعل منك
بس حرام احنا في رمضان
ان ما كناش شفنا بعض وسلمنا علي بعض كمان
يعني
انت يا جدع انت
حسة ان رجلك خفت من عندي يعني
هه
ولا انا بتخيل
ومدخلش مدونة الا لما الاقيك فيها
يعني كله احلو وانا خلاص
عموما يظهر انك لما شفتني اتخنقت مني واتصدمت فيا
ماشي يا برنز
ماشي
سيبك سيبك
ركز انت بس في اللى بتعمله
اوعاك تفتح التلفزيون
اصلا
كفاية عليك المدونات
بجد الناس المدونين عملين احلي شغل الايام دي
علي فكرة
انا ممكن ازعل منك
بس حرام احنا في رمضان
ان ما كناش شفنا بعض وسلمنا علي بعض كمان
يعني
انت يا جدع انت
حسة ان رجلك خفت من عندي يعني
هه
ولا انا بتخيل
ومدخلش مدونة الا لما الاقيك فيها
يعني كله احلو وانا خلاص
عموما يظهر انك لما شفتني اتخنقت مني واتصدمت فيا
ماشي يا برنز
ماشي
السلام عليكم
رمضان مبارك عليك وكل عام وانت بخير
وانا قولتها فى اخر بوست ليه التليفزيون يتقفل بالضبة والمفتاح
هههههههههههه
تقبل الله منا ومنكم
رمضان كريم
و بعد ين انا كمان بيستفرني اوي اعلان
اتصل على الخط الساخن 0900100100 لتكسب رحلة عمرة
اعلان غبي اوي
maryoom
كل سنة وانتى بالف صحة يا قمر
همم اخبار الشغل اية.. تمام دلوقتى؟
مها زين..
انتى بتقولى فيها يا مها.. دى حاجة تجنن بجد.. كل ما اجيب اى قناة الاقى مسلسلات.. يجى ششتاشر واحد كدة.
امبارح بقى اخر ما قرفت جبت سبيس تون وقعدت اتفرج على توم وجيرى بعد الفطار.. واللة احسن الف مرة.
tote
كل سنة وانتى بالف صحة وسعادة.
عروس البحر..
يا اهلا يا اهلا.. مختفية من فترة لعل المانع خيرا.
كل عام وانتى بكل خير
هههههههههههههههه
فعلاً فعلاً هو ده اللي بيحصل سرقة و ضحك على الناس :)
شيماء الجمال..
كل عام وانت بالف خير
إرسال تعليق