شوفتوا ظلم الانسان لاخية الانسان؟؟
الايام دى عندى حنين اوى للماضى
امبارح كنت عمال بافتكر ايام اعدادى
كنا اشقيا اوى وزى ما نكون معجونين فى مية لفت
اصدى مية عفاريت
كورة الصبح قبل جرس الطابور
كورة تانى فى الفسحة
كورة بعد المرواح
اماال مش بيقولوا الارض كروية تلف حول نفسها
الطابور.. اللة يخرب بيت اللى اخترعة
والاذاعة المدرسية.. يووووووووة
والناظر الغتت اللى واقف لنا زى البطة فى الزور
الناظر دة كان عندة خنفسة
لا مش السودة ام رجلين
انا اصدى عربية فولكس موديل توت عنخ
وكمان لونها اصفر!!
وهوة كمان كان شبة عربيتة
فى مرة قفشنى وانا بالعب فيديو جيم فى سنتر جنب المدرسة
وكان محترم اوى اوى معايا!!!
وفى يوم من ايام الصيف كنا بنلعب كورة انا وصحابى فى الحوش
(اهة قمة البراءة)
الايام دى عندى حنين اوى للماضى
امبارح كنت عمال بافتكر ايام اعدادى
كنا اشقيا اوى وزى ما نكون معجونين فى مية لفت
اصدى مية عفاريت
كورة الصبح قبل جرس الطابور
كورة تانى فى الفسحة
كورة بعد المرواح
اماال مش بيقولوا الارض كروية تلف حول نفسها
الطابور.. اللة يخرب بيت اللى اخترعة
والاذاعة المدرسية.. يووووووووة
والناظر الغتت اللى واقف لنا زى البطة فى الزور
الناظر دة كان عندة خنفسة
لا مش السودة ام رجلين
انا اصدى عربية فولكس موديل توت عنخ
وكمان لونها اصفر!!
وهوة كمان كان شبة عربيتة
فى مرة قفشنى وانا بالعب فيديو جيم فى سنتر جنب المدرسة
وكان محترم اوى اوى معايا!!!
وفى يوم من ايام الصيف كنا بنلعب كورة انا وصحابى فى الحوش
(اهة قمة البراءة)
كنا بنلعب باى حاجة تقع تحت ايدينا
زلطة ماشى.. طوبة اوكى
نقطع ورق من نص الكشكول ونكورة فى كيس السندوتشات شغاال
اماال مش الجش بيقولك اتصرف؟
ما كانش صعبان عليا فى القصة كلها غير بابا
كان كل شهرين تقريبا يتدبس فى كوتشى جديد بدل اللى انا قطعتة
مش باقولكو براءة!!
اة نرجع للماتش.. ورحت شايط الكورة
المفروض شايط فى الجون
بقدرة قادر الكورة سابت الحوش كلة وراحت طالعة الدور الاول من البنى الادارى
ودخلت اوضة الناظر!!!!!
ان ان ان
طااااااااخ
ومر قطار العمر
الفازة اتكسرت !!!!!!
انا ما لحقتش اجرى
لقيتوة فى فانية (اللى هية فتفوتة من الثانية على باب الاوضة)
هاتولى الوااااااااد دة
هجوووووم
وحملت على الاعناق على اوضة الناظر
وبجد كان ذوق ذوق ذوق معايا!!!
مع انى كنت مجرد طفل برىء
يعنى يرضيكوا كدة؟؟
هناك ٥٣ تعليقًا:
its good to know about it? where did you get that information?
لا بجد ايه البرائه دى كلها لا لا برئ برئ ياعنى احلى حاجه الايام دى بجد الواحد مكنش شايل هم حاجه ابدا الدنيا كانت حلوووة ياريت ترجع تانى بس مش ينفع
تحياتى
لا ميرضيناش
ودي تيجي
فعلا ظلم الانسان لاخوه الانسان
ازاي الراجل يزعل
هو فيه حاجة عظيمة في الدنيا زي الكورة
وبالذات لما تصوب علي فازات الناظر
هو اللي غلطان
متزعلش
تحياتي
ماء تشرين
بجد ايام تحفة بس احنا كنا اطفال متشردين حبتين
ههههههههههههه
kochia
يا بنتى خليكى محضر خير
انا طنت طفل هادى
شمعه منور
:D
صباحك سكر...
بجد كنت بريئ برائه...
تقبل مروري ..
مع تحياتي..
بطابيطو
يا عم الهادى والحركات.. امال اية الشقاوة اللى ع المدونة بتاعتك دى.
m.k
شفتى باة..
امال بيعملوا فية كدة لية؟؟
صباحك سكرتين
ههههههههههههههه
مش عارف ليه كل مدرسين
ونظار زمان كانوا زووووووق
أوي كده في تعملهم مع التلاميذ
يمكن علشان مدرسينهم كانوا
زوق كده معاهم فعايزين يطلعوا
الزوق ده علينا ههههههههه
المهم ما علينا
فكرتني بكلامك ده أيام الكوره الشراب
أصل إحنا بقه مكناش بنلعب بأي حاجه
لو متوفرتش كوره
واحد مننا يتبرع ويقلع الشراب ونحشيه أي حاجه المهم يتكور ونلعب بيه
ذكرياتك لذيذه يا
صبح صبح يا عم الحاج هههههههه
تقبل تحياتي
أحلى ذكريات اللي قديناها أيام الدراسة
و أجملها واللي بنضحك أوي عليها أيام العقاب و التذنيب و جوابات الإنذار ;-)
بس على فكرة اسمها اللقمة في الزور مش عارفة جبت منين البطة في الزور دي D:
ههههههههههههههههه
لأ طبعاً ميرضيناش خالص
بعدين شوف أنا مش كنت بنت صغيرة من ييجى خمسميت سنة كدا ...
بس كنت بلعب كورة زيك كدا
بس موصلشى الجبروت لفازة الناظرة أصلها كانت فى حتة بعيدة شوية عن الحوش الرئيسى ...
يا بنى الشقاوة دى علامة صحية
و تنفيس عن المكبوت
يعنى كنا نشيل فى نفسنا و يجيلنا حاجة وحشة ؟؟
تيجى للتانين و خلاص
كل سنة و إنت طيب يا عزيزى
و رمضان كريم
هههههههههههههههههه
ده انت كنت برىء براءة هههههههه
مش عارفة اقولك ايه اجمل ايام ايام المدرسة وعمرها ما حتعوض بس انت اللى حصلك اليومين دول يعنى متهيالى كده ذاكرتك نشطة شوية
كان المفروض بدل مايزعل يكتشف مواهبك لأن شوطة زى أكيد كانت ملعوبة بـحرفنة وإقتدار عشان تسيب الدنيا كلها وتنشن على أودة الناظر
ahmed_K
ابو حميد.. ازيك يا مان
هوة فعلا كان ناظر مفترى وبعدين لما رحتى ثانوى اكتشفت ان كلهم مفتريين وعاوزين قطم...
هههههههههههه
قطرات..
ما تفكرينيش بالتذنيب
اصلى كنت قاعد فى اول دسك وطبعا كل شوية ارغى مع صاحبى اللى جنبى
والحظ الجميل تكون دايما الميس لاقطانا
وطبعا على برة انت وهوة على اوضة الناظر
يا لهههوى ناظر تانى.
فاتيما
قلب روح ماما عندنا
واللة منورانى جدا جدا
بعدين الشقاوة دى زى المية والهوا..
مدحت محمد
برىء واللة يا بية
كل سنة وانت طيب يا باشا
فين يا عم بوستاتك الجامدة
الريم..
الذكريات الصغننة دى يا ريم مع انها بسيطة وعيالى حبتين.. بس لما بافتكرها باحس بفرحة كبيرة وزى ما يكون روحى من جوة بتتغسل من اول وجديد..
صدى الصمت..
ايوة كدة .. بس البلد دى مش بتقدر المواهب الدفينة اللى زىى
ههههههههههههههههه
لا والله يا اخويا ميرضينى ابدا
انا بقى الناظر بتاع مدرستى كان عامل زى عود القصب اللى طالعله شوشه بتاعت الدرة من فوق
هه ، كانت ايام ، والله كنا برئه قوى انا كنت بضرب العيال بس ، كانت تسليه بالنسبالى
فكرتنى بايام زمان
الا قولى هو السكر اللى فوق المألون ده بتاع حد؟
اصل انا عايزة اللى لونها موف دى
سلامى ليك
فكرتني بأحلى ايام عمري أي نعم انا عيشت طفولة منكده بستين نيله بس والله الفتره ديه من عمرنا اصفا سنين ممكن نعيشها ولو الزمن يرجع بيا تاني هفضل في الاعداديه بقيت العمر بعد ما شوفت ضريبة تقدم السنين بينا
قول للزمان ارجع يزمان
تحياتي
فكرتنى لما كنا بنلعب الشبكة والصياد
ولما كانت الكورة بتفرقع
كنا بنتصرف علشان تبقى تقيلة
هههههههههههههههههههههههههههههه
كنا مره ماليناها طوب
هههههههههههههههههههههههههههههههه
وخبطت واحده فى راسها
شكرا لانى بجد ضحكت من قلبى
كل سنة وانت طيب بس شكلك كنت شقى اوى
صباحو ذكريات يا برنس.
إنتي تحمد ربنا إنك مكنتش في مدرسة زي مدرستي ، أدوات تعذيب مش ح تلاقيها في أي مدرسة في العالم
1- عصاية خضراء لسة مقطوعة من النخلة اللي جنب المدرسة
2- فلكة بالضمان
3- أقلام توضع بين الأصابع مع الضغط وابقي وريني رجولتك
4- خرطوم مجفف في الشمس لللسوعة علي الظهر مش علشان يترش ع الكنافة
5- كفة إيد المدرسين وما أدراك ما حجم وشكل إيدين الصعايدة
6- شلاليت مزودة بمحرك نفاث ممكن تديك زمن تسارع 150 كيلومتر في عشر ثواني
يعني المدرسة كانت عبارة عن معتقل لا يسمع فيه الا الصراخ والبكاء ،وكل واحد كان له إسم علي حسب أكتر نوع من أنواع التعذيب اللي بيشوفه.
عندك أنا مثلا كان لقبي في رابعة ابتدائي"طريش" لأني كل صبح كنت باصتبح بجوزين قلامة من مدرس الرياضيات وكانت وداني بتصفر باقي اليوم ومبسمعش حاجة.!!
والمفارقة إن المدرس قريبي وأنتيم خالي وإن المضروب علي ودنه اللي هو أنا كان أشطر واحد في المركز كله ومفيش سبب لضربي.!!!
شوفت إزاي إنت بتتدلع يا برنس.
كل سنة وإنت طيب ودمت بكل خير
ياربى مش عارفة اودى البراءة دى كلها فين
انا حاسة ان من كتر براءتك لازم اروح ارفع قضية على الناظر ههههههههه
بس انا بقى عايزة اعرف ازاى كان بيعاملك بذوق :))
مجربتش الكورة الشراب علشان تكتمل البراءة
مدونتك لذيذة وبوست دمه خفيف والله ليت الطفولة والبراءة تعود يوما
تحياتى
ايمى
عيلة مفترية..
اة منك.. اوعى تكونى لسة بتضربى العيال لحد دلوقتى
انا بقى كنت باضرب الولد ابن وكيل المدرسة عشان كان مستفز
وابوة كان بيضربنى انا
فش غل يعنى هههههههه
العمدة..
صحيح ايام حلوة يا ريتها تعود
sometimes
اللة.. ياة فكرتينى بلعبة الشبكة
دة احنا كنا بننصب فيها نصب
يا ترى كمان فاكرة المنديل
وكهربا كهربا
عروسة ننوسة..
وعرفنا المدونة
هييييييييييية
the fuhrer
اية يا بنى دة.. دة جوانتنامو للبنين!!!
معقول!!
emmy baby
يا ستى كان بيتعامل بذوق وخلاص.
انتى عاوزة اقولك انة....
لا
مش هاقولك
هههههههههههههههه
بوست جميل جدا
اول زياره لى
معجب بكلامك وطريقه سرده البسيطه
اتمنى نكون اصدقاء ونتبادل الزيارات
على انت دمك حفيف اوى
هستنا زيارتك
متتاخرش
تحياتى
mthlykaw
شكرا للزيارة.. وكل عام وانت بخير بمناسبة الشهر الفضيل
هههههههههههه
حلوه اوى الزكريات دى
كانت بجد احلى ايام حياتنا الواحد مكنش بيشل هم لاى شئ
أنا نسيت أسألك على حاجة مهمة
هو مدونة مصر الموكوسة بتاعت شروق راحت فين؟؟
أنا رجعت من السفر مالقتهاش
هي اللي قفلتها ولا إيه اللي حصل؟؟؟
ياعينى
يعجبنى اوى انا الذوق اللى من النوع
دة
زكريات جميلة اوى وفعلا كلها بتنم عن البراءة المتناهية
اللى مبقاش ليها وجود ف حياتنا الوقتى خاالص
اخث عليه الناظر ده
ملهوش حق
وحش وشرير
يا سلام على البراءة
يا حرام والله صعبت عليا
انا فطست من الضحك على حملت على الاعناق دى
بس اهم حاجة انه كان زوق معاك
ههههههههههههههههههه
كل سنة وانتا طيب مع ان قلبك اسود اوى كل ده مخبية وساكت
رمضان كريم بقا
فاجتهد
تحياتى
ههههههه
كل الولاد وهما صغيرين كانوا نفس البراءه دى!!!
سبحان الله...
D:
ربنا يرحمك يا ابني كنت زين شوباب المنطقة
يلا ربنا ينتقم من الناظر والمدير والوكيل
طفولة مشردة
بس لذيذة
تحياتي
ههههههههههه
كيف حالك
كان محترم وذوق جدا هههههه
ربنا يسعد ايامك
ويجعلها لك ذكريات جميله
كل سنه وانت طيب
لا برئ فعلا يا عينى مظلوم وانت نسمة
يللا ايام بقى
تصدق انا كمان كل فترة والتانيه كدة الاقى نفسى عمالة افتكر ايام المدرسة والكليه وكل اللحظات الحلوة اللى عدت عليا تبقى واحشانى قوى بس هنعمل ايه هى دى الدنيا
اه صحيح نسيت اقولك شكرا على مرورك وتعليقك على مدونتى وردى هتلاقيه على المدونة
dina seliman
معاكى حق يا دينا. احلى ايام
بس لو ترجع تانى؟؟
كل حاجة اتغيرت.. صعب جدا
قطرات..
للاسف شروق قفلتها.. حصل لبس وسوء تفاهم وهية ما ستحملتش فصممت تقفلها.
انا كمان مفتقدها زيك بس مش عارف نطمن عليها ازاى
لو بس كان الايميل بتاعها موجود؟
يا رب تكون بخير دايما
شكرا جدا على اهتمامك باصدقاءك
دعاء
واللة باين عليكى شمتانة فية
كدة برضة؟؟
هههههههههههه
اية الشقية الشعنونة..
ما همة اللى مفتريين. مش بذمتك احنا اطفال ابرياء؟؟
ههههههههههههههههه
maha zein
شكلك كدة بتشككى فى برائتى المتناهية
كدة يا مها؟؟ اوكى
ههههههههههههههههه
انسان بلا عنوان..
منورنا يا مان ويارب تكون بخير
اللهم بلغنا رمضان و اعنا على صيامه و قيامه و اجعلنا من عتقائك من النار في هذا الشهر الفضيل
امين
أختكم
عبير عبد الشافي صاحبة مدونة طهقانة و كلبوزة لكن سمباتيك
بجد ضايقتني على موضوع شروق .. رغم إني مش فاهمة إيه اللي لبس و ماستحملتش بس على العموم لو عرفت عنها حاجة إبقى طمني عليها
إرسال تعليق