دول طقم العصابة ننننفر ننننفر (جنان دة والا اية) معلش ماجاش عشان عندة فردة توصيلة مكروباااص لاول فيصل وخلى بالكوا... الكنبة خمسة ورا
ويباركلة!
كبر الجى وروق الدى...
بسلطاتك بباباغنوجك...
الواد دة جامد يا جدعان, انا ما كنتش عارف انة مخرج الحاسة السابعة, هوة الفيلم ما نجحش فى السينما عشان الابطال كلهم جداد ما عدا الدجال اللذيذ (ودلوقتى هتقدر تسمع الافكار عووووو) احمد راتب , فطبعا الفيلم ما فيهوش كمان مناظر وكمان مش انتاج السبكى جولدن ماير وبالتالى الفيلم نفض لنفسة , بس الواد دة بجد حكاية , فكر عالى , دماغ محششة... اوبس اصدى متكلفة
مش عارف لية جاى فى دماغى المشهد بتاع الفيشاوى فى الفيلم لما دخل بيتو وراح مجعر بعلو صوتة (انا خدت بطولة الجمهووووووورية)
وتسمع فى الخلفية كومبنيشن (تشششششششششش)
بلد بتاعة شهادات صحييييح
والا اية رايكوا؟؟
هناك ٥٢ تعليقًا:
ده فعلا ممثل هايل
انا لسه مدخلتش اتش دبور بش شوفت اغنية فليمه بس لذيذه و دوره حلو في تامر و شوقية
تحياتي
والله وانا كمان بموت فيه وعسل اوى
وبحب حركة صوابعه الغريبه دى
الواد جامد فعلا و الفيلم بتاعه شكله جامد جدا ان شاء الله ندخله قريبا
يعنى ايه :huh:
...........
هو لذيذ اوى وكووول بس حاسة انه لو استمر على نظامه دة فى التمثيل مش هينجح اوى
لو يغير من شخصياته شوية هيبقى تحفة :)
عروس البحر
فعلا هوة ممثل رائع ولة طلة جميلة وجديدة بس يا رب ينوع فى ادوارة عشان ما يموتش نفسة زى اللمبى
و... يوو يوو يوو
مدرسة الفشلة بنات
هوة كارثة متحركة انتى فاكراة لما كان بيرقص على اغنية
no woman no cry
دماااااغ
كبر الجى وروق الدى
صباح الجى والدى وكل الحروف المتحركة
كووووول
original heart
هوة فعلا بدا تغيير النظام خالص.. راجعى دورة فى فلم ليلة البيبى دول.. سواق تاكس بسنة دهب انما مصيبة طبيعية من التسوس محمية
عذرا فانا اكرهه ولا ارى فيه اى خفة دم واعتقد ان فيلمه حيكون فاشل هذا راى تحياتى ودمت بخير
صبح صبح يا عم الحاج
بتقول مين ؟ طلع ايه؟
أحمد راتب
وده راتبه كام كده بالصلاتو علي النبي
ههههههههه
هو ممثل حلو آه بس مخرج أول مره أسمع
ولا يمكن أنا سمعي تقيل حبتين
جااااااااايز
سلاااام يا صاحبي
shasha
ماهو مش لازم كل الناس تحب الكاراكتر بتاعة..
بعدين من مدونتك الجميلة .. واضح اوى انك هادية ورومانسية مع كثير من الشجن .. وبالتالى يوو يوو يوو دة موود مغااير خالص
دمت بكل الود
ahmed_K
منور يا باشا.. المخرج هوة احمد مكى مش احمد راتب .. صحيح الاتنين احمد بس تفرق
منورنى دايما
ازيك
من زمان اووي وهيا بلد شهادات
تحياتي وبالفعل احمد مكي ده زي العسل بجد
maryooma
نورتيييينى وهوةواد بجد كووول
بجد هو ممثل حلو والكاركتر اللى عاملة لنفسة ناجح جدا وكفاية انه مخلاش الناس تزهق منة بس اول مرة اعرف انه مخرج الحاسة السادسة هو صحيح الفيلم مش نجح بس معرفش لية انا بحبة فيه كمية فكاهه كتير جدا
مدونة جميلة
تحياتى
الحقيقه الواد دماغ فعلا
انا بيضحكنى بصوره هستيريه و كنت بتفرج على تامر و شوقيه عشانه
facemoon
انا كمان كل ما الفيلم دة ييجى افضل رابض ادام التلفزيون.. فية حتت كتير حلوة.. بعدين الواد احمد الفيشاوى هوة كمان مجرم
نورتينى
MOHRA
تقريبا الحاجة الوحيدة اللى باشوفها فى التلفزيون هية تامر وشوقية .. على فكرة حلقة اول امبارح كانت جامدة اوىى.. لما سيد اجر شقة شوقية لسايح عربى.. هوة كمان مصيبة.. دة جنان دة والا اية
منورانننننا
على فكره انا بحب احمد ده اوى تحس انو دماغو مطرقعه انا قريت المدونات كلها
قاعدت يومين بجد اسلوبك تحفه
تحياتى
بص ياعم
لو الفيلم مش من انتاج عائلة السبكى الموقرهاو جود نيوز يبقى مش هينجح ومش هيتعرض فى السينما يوم واحد
بلد بتاعة فلوس صحيح
تحيــــاتى
المصــــــــرى
ماء تشرين
ربنا يخليكى يا رب على الاطراء الجميل اوى دة.. اسم مدونتك اكتر من رائع
elmasry
يا باشا منورنا..
كووووووول
دي اول زياره ليا في مدونتك وحقيقي عجبتني بصراحه ومن غير زعل انا لما شفت انك 31 سنه قلت اكيد هيتكلم في السياسه بقي وكده وانا مش بفهم فيها هههههههه....بس لقيت بجد انك شخصيه لذيذه والبوست كمان لذيذ ....
هو انا بصراحه عمري ماتفرجت علي حاجه للممثل ده بس اسمع ان تمثيله حلو اتفرجتله يمكن علي تامر وشوقيه وماخدتش بالي منه .....
ويارب بس يبقي في بلدنا فرصه انه يظهر قدراته وينجح زي غيره من الممثلين لأنه لو نجح هيكون فعلا حاجه مختلفه ...
تحياتي ليك وتقبل مروري
أختك شيتوس
شيتوس الاهلاوية..
سلالالالام كبير اوى للمرور الجميل دة ونورتينا
دونتك جميلة جدا وموضوعاتك خفيفة ولذيذة
أما بالمسبة لمدونتنا فهي مدونة لتعريف القراء بمجلة علّي صوتك
ياريت تزورنا في المجلة اللي بتدخلها من المدونة
ويارب تعجبك موضوعاتها
سلام
على صوتك..
شكرا جزيلا على المرور الجميل.. ويارب بالتوفيق دايما ومنوريننننا
فعلا أنا كمان بيعجبنى جدا جدا أحمد مكى
ومعنى أن فيلم زى الحاسه السابعه ده يفشل
فده أن نم على شىء ينم على سطحيه الشعب المصرى
مع أن الفيلم مقتبس من فيلم أجنبى بس أحمد مكى ضاغه بشكل مختلف
وأضاف عليه الروح المصرية
وبجد فيلم جميل
وفعلا نظيف أوى أوى
وممكن تتفرج عليه فى تجمع عائلى
يا ريت كل الافلام تكون كده
لان بعضها بيناقش مواضيع هاامه جدا جدا ومفيد أننا نناقشها
بس طريقة عرضها سىء
ومليىء بالقزورات
يلا
بوست جميل
ومدونه أجمل
سيبك من فيلم الحاسة السابعه
وادخل بقى على كوووول
هيثم دبور .......>الكاركتر التحفة العسول اللي عمله احمد مكي
واللي هيستغنى عنه بعد الفيلم اللي عارضه دلوقتي
الراجل ده بجد فظيييييع لانك لو شفته في اي لقاء تليفزيوني مش هتصدق ان هو ده الولد الروش الطاقق بتاع كوووول اللي اول ما تشوفه تضحك
حد هادي وراسي وزي العسل
المهم بقى اني رغيت ودي اول زيارة ليا وماينفعش يعني ادخل حامية اوي كدة
الناس تقول عليا ايه يعني
المهم بس,,, انت عامل ايه:)
سوسا ومودى:
واللة.. مقتبس من فيلم اجنبى.. انا ولا اعرف.. بس رؤية مكى فية حلوة اوى ..خصوصا الحتة بتاعة خالد الغندور بتاع اللاوغاد الحقيرة.. ههههههها
منورانا دايما.. ويوو يووو يوو
كراكيب:
كوووووول .. الفيلم شكلة طحن طحن بس انا لسة ما دخلتوش متهيالى هوة نازل سينما بكرة..
على فكرة انا كنت باكل فطيرة مشلتتة .. اتفضلى حتتتتة...
نورتى المدونة ..
بيييييييييس وكبرى الجى وروقى الدى
صباح الفل
وصب صبح
وصباح النور
وصباح الخير صباحنا ورز بلبن طباخنا وكان السر هادى وكلنا وأنشرحنا
إنتى بتتكلم عن أحمد مكى أو مكاوى صح
هو فعلا لذييييييييييذ
ربنا يخليلك اصحابك اللى بتحبهم وتفضلوا اصحاب على طول
ده اولا
اما ثانيا بقى
احمد ده دمااااااااااغ وبصراحه هو شخصية جديدة وجميلة قدر يشد الناس ويجذبهم
مع انى متوقعه انه فيلمه مش هينجح اد كده
بس بصراحه هو هايل
المنسى..
نورتنا يا ريس.. انا ناوى الاسبوع دة ادخل دبور اتش..شكلة جامد فحت
sometimes
هوةة بجد كوووول
يوو يوو يوو
منورى الدنيا
ممثل و مخرج و سمعت كمان انه منتج ...
بس كونه يبقى بنفس الشخصية فى كل الاعمال بيحقق نجاح اه بس الناس بعد فترة بتزهق
كول كول يامان
اول مرة لى فى مدونتك بس جامدة انا مش بحب الممثل ده معلش بحس انه بيستظرف شوية بس ممكن يكون الفيلم حلو
قررت اكون عانس:
هوة فى تامر وشوقية وكمان مووورجان كانوا نفس الكاركتر (كووول) بس فى ليلة البيبى دول دور سواق التاكس اجراام..
منورااااانا فى القعدة تملى..
مدحت محمد..
نورتنا يا ريس.. على فكرة حلقات تامر وشوقية بتيجى على موجة كل يوم الساعة 8 ومكى كان تحفة امبارح ومكبر الجى ومبهدل الدى..
صبااح الصبااح
الريم..
نورتونى نورتونى نورتونى وان شاء اللة يا ريت تنورونا تانى..
ممكن
بس يعني مش عسل اوي
هو عسل نص نص
عموما اسلوبك انت حلو بسلاطته بباباغنوجه
عموما انا هستكشف مدونتك كده وشوف ايه حكاية السيات الي بتقول عليها اوع دي
اصلي في طريقي اني اشتري وحدة
اما اشوف كده نصايحك الغالية
تحياتي ليك
بأي حال من الاحوال
أعتقد انه مختلف شوية عن محمد سعد
وممكن يكون بيقدم شكل جديد مختلف
وعلشان كده ممكن يشد شوية انما مع شوية وقت اكيد الوضع هيختلف
واعتقد ان عمره قصير في النجومية
تحياتي
وليد
مها:
اعقلى وبلاش سيات.. دى المخالفات اللى فى القانون الجديد اكتر من تمنها.. بلاش تهور.
ههههههه .. منورانى جدا
عارفة..مش عارف لية.
هوة على فكرة بيتغير وبيغير اسلوبة بالكامل.. حاجة كدة زى الحرباء.. دة كمان مضى عقد احتكار مع الشركة اللى بيعمل معاها كريم عبد العزيز.
نورتتتنى ودمت بخير
صباح الخير بالليل
صباحكم عسل
تحياتى
باين عليه فعلا فنان واعد بس اكيد حيكون احلى لو خرج من كراكتر الشاب الروش و مثل بطبيعته
اوروفوار
bastooka
نورتينا جدا.. وشوفيلنا الاهلى عمل اية؟؟
كلام عى بلاطة..
صباااحين وحتة.. نورتنا
انا بصراحه مش متابعه
بس اول ما ظهر في اعلانات اتصالات عجبني
الاختلاف والتميز لانه بيشد
انما لو استمر كده اعتقد هيبى ممل
والله اعلم
المهم انك تبقى مبسوط وتلاقي شيء يفرحك
زمردة..
طب تصورى انا فى اعلانات اتصالات ما حبتهوش اد ما كنت باحب اشوف حركاتة العجيبة فى تامر وشوقية..يمكن عشان الكاست كلة جاامد
المهم.. منورااانى جدا
احمد مكي حد دماغه حلوه قوي
لو ليك في السينما الروائيه القصيره .. اعمل سيرش في يوتيوب على فيلم اسمه ياباني أصلي .. ده كان مشروع مكي في سنه تالته في المعهد
فكرته عبقريه وجديده ونفذها باسلوب فظيع
اه حاجه كمان .. مكي بيقفل دور هيثم في الفيلم ده .. يعني هو حس انه هيتزنق في الكاركتر ده قام انسحب من مسلسل تامر وشوقيه وعمل الفيلم عشان يقفل الدور ويرجع يركز في شغله كمخرج .. واللي انا حاسس انه هينجح فيه قوي خصوصا ان الافلام الكوميدي اللي عندنا بتعتمد على كوميديا الافيه او القفشه .. مش بتعتمد على كوميديا الموقف
سعيد اني جيت مدونتك الحقيقه
سلاموووووووووووز
sooooooo
منورنا جدا.. على فكرة انا دخلت ع اليوتيوب امبارح ولقيت الفيلم.. الواد دة بجد دمااغة حلوة وعندة افكار جديدة.. والاحلى انة مش مبتذل ابدا..
نوووووووورتنى
إرسال تعليق