عشقى الغريب للقطط
من كل الانواع
بداية من الرومى ولحد الشيرازى
ممكن لو قابلت اى قطة فى الشارع حتى وانا رايح الشغل ولابس فورمال وكدة
ممكن انسى دة كلة واقعد اطبطب عليها بدون وعى
زمان كان عندى قطة سيامى
امورة ولونها فضى فى اسود
كانت بتقعد جنبى على المكتب وانا باذاكر
وكنت باكلها بايدى
وفى الشتا لما الجو يبقى بررررررررررد
وانا تحت اللحاف فى الدفا
كنت فى نص الليل احس بحركة غريبة
الاقيها جاية تقعد جنب رجلى فوق اللحاف عشان تتدفا معايا
وماكنتش اقدر اتحرك ابدا لحد الصبح عشان ما اقلقهاش واصحيها من النوم
عشق غريب
هناك ١٨ تعليقًا:
مش غريب و لا حاجه
انا بحب القطط جداااااااااااااااا
بس للأسف ممنوع دخولها عندى لان امى بتقول انها غلط )):
فعلا القطط من الكائنات الأليفه جدا
للإنسان وتحمل حبا كبيرا لصاحبها
وترى فيها حنيه غريبه
أنا من الناس اللي بتعشق هذا الحيوان
وبشعر بمدى قيمته لما بيدخل فار للبيت.
فكرتني بقطتي التي ماتت منذ فتره
تقبل خالص تحياتي
اول زيارة لي في المدونة وباذن الله مش الاخيرة
جميل عشقك للقطط
بس للاسف
انا مش بحب القطط خااااااالص
ليهم معايا مواقف عدائية
وكل موقف والتاني يخبط الدماغ
حاولت احبهم بس مقدرتش
سماح بقى
سارة
مساء الفل...
أنا كمان بحب القطط جدا..
ومر علي أشكال غريبه وعجيبه..
والشيرازيه دوما لها برستيجها الخاص..
....
بص أنا عندي قطه مهنياني...
ومش حلاقي أعز منك أهديها له...
بجد أميره وطيبه وبنت قطط ..
أمها جدا محترمه..
طبعا بتكلم على القطه..
بس عيبها حاجه صغننه جدا وتافهه..
ما بتبطلش موموه ليل نهار..
سواء أكلت أو لا شربت أو لا ..
دفيانه ولا بردانه كلو واحد..
ها إيه رأيك..
أنا كمان بحب القطط جدااااااااً
كنت مربية قطط من صغرى ولحد ماكبرت
انا بقى عندى فوبيا من الققط لينا مواقف مع بعض مش ظريفة خالص اة صحيح انت قلت كان هى فين دلوقتى
القطط جميله جدا...
كان عندي وحده شيرازي جميله جدا... مابتاكلش الا لما احطلها اكل...يعني مش بتتطفلش ابدا... ولما يكون عندنا حد غريب بتفضل عند الباب...
هههه وكمان في الشتا بلاقيها نايمه جمبي ...
واستحملتني كتيـــــــــــر لما كنت اعملها قصات بشعرها... كانت بتقعد ساكته...هههههه
بس الكلام ده من زمان قوي...
ضد التيار
لية بس كدة دى القطط جميلة جدا انما محتمل مامتك بتخاف انها تنقل امراض ودة وارد جدا انما لو قطة بنت بيت اية المشكلة اهة الواحد يضمن انها دايما نضيفة
نورتينااا
احمد ك
واللة انا فعلا افتكرت قطتك يا احمد بعد ما كتبت البوست
انا اسف انى فكرتك
سارة
نورتينا وصباحك مزهر مورد بالفل
لية كدة انتى مش بتحبى القطط
على فكرة ممكن الخوف دة جواكى انتى ومش حقيقى وممكن تتعاملى مع القطط الصغننة بتكون جميلة ورقيقة جدا
m k
يا سلللللللام
اهة كدة الهددايا والا فلا
ربنا يخلى لك قطتك وتشوفيها متجوزة كمان قط ابن ناس يوووة اصدى ابن قط
صدى الصمت
يعنى انتى عندك قطة دلوقتى
يا بختك
دة مش حسد ولا حاجة دة قر بس
هههههههههههههههه
همس الحنين
دلوقتى للاسف ما عنديش قطط عشان معظم الوقت غير متواجد ومش باقدر اراعيها فهيبقى حرام عليا
اكون اولا اكون
القطط الشيرازى اللة عليها
تحفة تحفة تحفة
صباح الفل
جميل ان يكون شئ في حياتك بتحبه وبتهتم بيه بالطريقة دي ....
انا معرفش اوي انواع القطط ، بس هي مخلوقات جميلة ، خصوصاااااا وهي صغنونة اوي
احساس جميل
تحياتي :))
انا بخاف من القطط
بس فكرة الرحمة على الحيوان دى فكرة اسلامية ودا شئ طيب جدا
جزاك الله خيرا عليه
فعلا عشق ولكن هيكون غيرب
إن لم يكن هذا الحنان منك
طبيعي لكل المخلوقات
وليست القطط فقط
مساء الياسمين
تاخد بسبس؟ القط بتاعى ...
لانى متخانقة معاه دلوقتى؟
اول زيارة ليا للمدونة وحبيت احييك على المدونة اللطيفة ولانك من محبى القطط
إرسال تعليق