٢٤ سبتمبر ٢٠٠٨

يا ليتها تدوم


تن تن تن


الستوب ووتش بتعد والايام الجميلة بتقول لنا مع السلامة

هتوحشنينا اوى يا ايام
هتوحشنا اوى يا شهر كريم


الحياة كلها كانت حلوة فى وجودك


الحياة كان ليها طعم
ولون وريحة حلوة


ايام مرت كالنسيم
ولانها كالنسيم


كان لازم تمر بسرعة البرق


هيهل علينا يارب
عيد جميل


كلة خير وكحك وغريبة
وبتى فور وبسكوت
اشى بالنشادر واشى بجوز الهند


اوعوا بس تكتروا
وكلة يوزن نفسة قبل العيد بساعة وبعد العيد بساعة
وعلى كل كيلو وزن زيادة هندفعكوا جمرك!
كل سنة وانتوا بالف خير وسعادة

هناك ٣١ تعليقًا:

كـــيــــــــارا يقول...

اول تعليييييق

هيييييييييييييه

كـــيــــــــارا يقول...

والله بجد هيوحشنا اما بالنسبه لكحك العيد والحاجات دي انا بعمل علي اد اول يوم بس مش طالبه زياده :)

kochia يقول...

كل سنة وانت طيب

RASHA يقول...

الصراحة موضوع الوزن كان لازم يكون من اول يوم فى رمضان

كل سنة وانت طيب

والايام الجميلة هى كده دايما بتمر بسرعة

عيد سعيد

Beram ElMasry يقول...

اخى الفاضل . صباح الصباح
صباح الخير لوجه الخير
صدقت ، هذا البيت مختل الميزان ، وحايخصخصوا ، كما قلت فيها الواو زيادة ، وبالمراجعة وجدت ان البيت التالى له فيه الواو زيادة واول البيت الرابع شكرا لهذه الملاحظة وسوف اعدلها ، لان المفروض كل بيت يبدا بسبب خفيف اى متحرك فساكن ، ( لينا ) ترى انت ان الياء زيادة جربت القراءة بدون الياء فلم تقبلها اذنى
اصلحت فى اوراقى الخطا الذى اشرت انت اليه
ساحفظ لك الجميل اذا راجعت قصائدى فى مدونلى ونقدتها بصوت عال
تقبل تحياتى

مجلة الأم الصغيرة يقول...

أخي محمد كل سنة و انت طيب مقدما
و ماتنسانيش في العيدية مش أنا أختك الصغيرة بردو؟ ;-)

ahmed_k يقول...

كل سنه وإنت طيب يا حماده
وعيد مبارك وسوزان مبارك وجمال وعلاء مبارك ومبارك نفسه وأنا وإنت
وسمعني آهلا أهلا بالعيد
مرحب مرحب بالعيد

صباح الصباح يقول...

كيارا..

اة يا واعية
ههههههههههه

صباح الصباح يقول...

كوشيا

وانت بكل الخير والسعادة

صباح الصباح يقول...

شاشا

فعلا الايام الجميلة كالومضات السريعة

لا تكاد تدركها العين الا وتختفى ثانية

كل سنة وانتى بكل السعادة

صباح الصباح يقول...

بيرم

دمت مبدعا بجد

صباح الصباح يقول...

قطرات من شواطىء الحياة

كيمو اختى الصغيرة

العيدية موجودة ومش ناسى ولو حتى مش اتقابلنا انا شايلهالك

صباح الصباح يقول...

ahmed_k

صديقى العزيز

وانت بكل الخير والامان اللهم امين

مجلة الأم الصغيرة يقول...

بجد بجد شايلهالي
هييييييه D:

على فكرة أنا كتير بزور مدونتك لمجرد الاطلاع على صورة فنجان القهوة
بحب الصورة دي أوي

يلا كل عيد و انت بألف خير

wafaa يقول...

كل كحك وغريبة وبتى فور وبسكوت نشادر وجوز هند وانت طيب

"عبير النجار "نيجار يقول...

صباح الصباح والفجر الذي لاح مش عارفه ليه أول ما بدخل المدونه بتاعتك بتيجي في دماغي الجمله دي وتلقائياً بأبتسم وبحس بتفاؤل
يا سيدي على العموم كل سنه وإنت طيب وبالنسبه للكحك وخلافه الحمد لله أنا ما بحبش الحاجات دي خالص ياريت تبقى تاكلى معاك.
تحياتي

EMMY BABY يقول...

ااااااااااااااااااه متفكرنيش ان رمضان هيخلص انا هبقى متضايقة

اما بخصوص الوزن فياااااااااااريت حتى ازيد شوية بدل اللى انا فيه ده كل عيد بيعدى وبناكل كحك وبيتفور ولا بيحوق برضه ههههههههههه

كل سنة وانت طيب وعيد سعيد عليك باذن الله

تحياتى

ايمى

زُمُرده يقول...

اياااااااااااام وبتعدي زي كل شيء في حياتنا
داما مبنعرفش نمسك الفرح
دايما بتهرب من كل حاجه حلوه
دايما بنعرف قيمة الاشياء بعد فوات الأوان
وعدى رمضان
كل سنه انت طيب بالعيد بقى
------------------
ردا على ردك على تعليقي في البوست اللي فات والسؤال اللي سألته ليا
هقولك راجع اخر 4 او 5 بوستات عندك وعندي وانت هتعرف
سلام

صباح الصباح يقول...

قطرات..

طبعا يا اختى الصغيرة وان شاء اللة لو اتقابلنا فى اى لقاء تدوينى هاجيبهالك معايا

مممم اما بقى فنجان القهوة ممكن تاخدى شفطة بس بعد الفطار
هههههههههه

صباح الصباح يقول...

وفاء

وانتى بالف غريبة وبتى فور بالبندق وساليزون وباتية وانتى طيبة يا جميل

صباح الصباح يقول...

نيجار

اة يا واعية

صباح الصباح يقول...

ايمى

للاسف يا اختى الصغيرة الايام الجميلة دايما بتفوت زى الضوء البارق وليت الايام كلها بهذا النور والروح

كل سنة وانتى طيبة وانتى بالذات كلى كحك كتييييير انما انا للاسف ماليش فية

صباح الصباح يقول...

زمردة

الصديقة الغالية مالها.. واضح انها لسة شوية جوة البندقة ومكتئبة حبتين

لية بس كدة دانا حتا باحقد عليكى انك بتشوفى البحر كل يوم مش هنا دخان وعوادم سيارات وايواااا حاجة سقعة ببس

نفسى بجد تكونى بخير وابقى طمنينى

☼♫♪ عمــاد الدين يــوسف ☼♫♪ يقول...

كل سنه وانت طيب ويارب يعود علينا وعلى الامه الاسلاميه باليمن والخير والاتحاد
تحياتي

سميرة يقول...

كل سنة وانت بألف خير
ويارب نكون دايما على الخير والحب متجمعين
ويارب في العيد الكبير نكون للحمة واكلين
:))))

الريم يقول...

كل سنة وانت طيب وعيد سعيد

صباح الصباح يقول...

عمدة..

وانت بكل الخير والسعادة يا عمدة
بس لو ممكن بالراحة شوية على بوستاتك عشان مش لاحق اتابع وفية حاجات بتقع منى؟

صباح الصباح يقول...

سميرة

اة يا واعية
منشنة انتى على اللحمة

يا سمييييييرااااا
دة الكيلو دخل على 50 جنية!!

صباح الصباح يقول...

ريم

كل سنة وانتى طيبة يا اختى الصغننونة
وانتى كلى كعك كتير عشان تتخنى شوية

Unknown يقول...

كل سنة وانت طيب

مهرة سالم يقول...

كل عام وانت بصحه وسلامه....

وفعلا حتوحشنا أيام رمضان..

ولو مافيهاش تقله ممكن تبعتلي شوية
كحك....