١١ سبتمبر ٢٠٠٨

وياتى عالم جديد



ممممممم


الايام دى حاسس ان روحى عالية جدا


ودة بالنسبة لى غريب حبتين


لانى دايما دايما مترقب وقلقان


من اية لا شىء بالتحديد


عاجبنى عالم المدونين وبجد بحس بسعادة كبيرة وانا باتناقش معاهم ونبادل الافكار



لمست بجد جواهم بارقة امل حلوة


ووعى وحس فنى وذوق عالى


وروح طفلة وعقل كبير لامع


الاسامى كتيير ويمكن انسا حد عشان كدة مش هاقول همة مين


بجد غيروا رايى عن الشباب اللى باشوفهم يوميا


ببنطلوناتهم الساقطة


وقمصانهم ام ترتر!!!!


وسلاطاتهم وبابا غنوجهم !!


شكرا على هذا العالم الجميل

كل سنة وكلكوا طيبين نفر نفر نفر

هناك ٧٦ تعليقًا:

ماء تشرين يقول...

اكيد في ناس كتير محترمين اوى هنا وناس بجد بنشوف افكرهم اكتر من اشكلهم وهو ده المطلوب لاننا اغرقتنا الماديات فبقينا بنقبل الشكل وبعدين الفكر
وانت طيب يارب دايما
سلااااام

كـــيــــــــارا يقول...

ربنا يديم احساسك ده يارب

وزي مافي اللي ببنطلون ساقط
في اللي بيبقي حاطط قضيه ورساله وبيتمني انها توصل


تحياتي

شيتوس الاهلاويه اووووي يقول...

ازيك ياجميل؟
فيييييينك؟؟؟
فعلا والله انت معاك حق انا كمان رغم صغر سني كنت فاقدة الأمل في شباب مصر حتي نفسي بس لما بنتبادل افكارنا كل واحد قدراته العقليه بتبان علي حقيقتها بجد ههههههههههه
كل سنة وانت طيب ياقمر
أختك شيتوس

EMMY BABY يقول...

انا بقى عكسك تماما طول عمرى ببص للشباب دول انهم حد جامد اوى ممكن يغير اى حاجة

ليهم فكر يحترم ليهم رسالة بينادوا بيها


طموحاتهم افكارهم واحلامهم سابقة سنهم

طوول عمرى كنت بقول ان الامل فينا احنا فى التغيير

والله مش علشان انا من ضمن الجيل ده لا بس علشان انا فعلت شفت كتير اوى يخلونى اقول كدة

بس انا عارفة ان الاجيال اللى اكبر مننا بتبصلنا زى ماحضرتك كنت بتبصلنا

بس والله انا فى قمة السعادة انى حضرتك غيرت نظرتك ومش بس كدة جميل منكم اوى انك تكلم وتقول انك غيرت وجهة نظرك وتعترف ان شبابنا فيه امل

بجد بجد تحياتى ليك

ايمى

سميرة يقول...

صباح الفل
تعرف انت قلت حاجة كانت فعلا جوايا
انا قبل موضوع المدونة كانت حياتي فيها ملل وفراغ فظيع وعمري ما فكرت اني اكتب لاني مش جامدة في موضوع الكتابة.
لما بدأت التدوين حسيت بفرق جامد ، انا اول حاجة بعملها بعد الفطار والتراويح اني ابص ع المدونة وكل الناس اللي متعودة اشوفهم ، يعني في حالة ترقب للجديد دايماً
دا طبعا بالاضافة للموضوعات والافكار المتجددةاللي بكتشفها كل يوم..
فعلا شعور جميل
كل سنة وانت اكثر تفاؤل وسعادة
رمضان كريم

مهرة سالم يقول...

عن الرسول صلى الله عليه وسلم { لا تزال طائفة من أمتي ظاهرة على الحق حتى تقوم الساعة }...

Unknown يقول...

عجبنى البوست المتفائل داا
الحمد لله على كل حال وان لسة فى بارقة امل

اية رأيك تشرفنا بالتواجد معنا يوم السبت؟ 13/9 هنتقابل فى مستشفى ابو الريش الساعه 3 عصرا للتبرع للاطفال
؟؟؟
وباقى التفاصيل عندى بالمدونة
يارب تقدر تجى وتشوف ما يختفى وراء الشاشات ؟؟
اكيد هتكون وجة نظر قد تختلف عن الحالية
سواء للافضل او لا قدر الله


تحياتى لك

RASHA يقول...

صباح الصباح
مش كل حد مسقط بنطلونه بيكون مش كويس


بالعكس فى شباب مسقطة بس عندها وجهة نظر وفكر جامد وعالى

يعنى متاخدش بالمظاهر المهم الجوهر

بس هو ايه النظام انت محسسنى انك كبير اوى

فى بيناتك انك لسه 31سنة
عموما فى ناس فى سنك كده ومتجوزين وعندهم اولاد ولسه بيسقطوا

عموما كل سنة وانت بالف خير

صباح الصباح يقول...

ماء تشرين

فعلا

المهم هوة الجوهر انما الشكل ليس للانسان يد فية

على فكرة ابتسامة البنوتة فى البروفيل بتاعك حلوة اوى اوى

صباح الصباح يقول...

كيارا..

حقيقى وفعلا

ما اجمل ان يكون للانسنان هدف اسمى يحيا من اجلة

ويا للروعة لو كان ما يسمو الية هدفا نبيلا

صباح الصباح يقول...

شيتوووووس..

يا اهلا يا اهلا باختى العزيزة زيزة

انا اسف جدا اصل الكمبيوتر جالة فيروس من مدة واللينكات اللى عندى كانت طارت كلها انما الحمد للة انا قفشتك ولاقيتك

انتى كمان عملتى مدونة جديدة صح؟؟

فعلا ما احلى ان يقابا الانسان من يماثلة فى الروح والفكر والامل

كل سنة وانتى بكل سعادة

اخوكى صباح الصباااح/محمد

صباح الصباح يقول...

ايمى

طبعا مش الكل مدة

لا طبعا فية ناس تتوزن فكرها وروحها بالدهب

بس همة فين واد اية

وفين تاثيرهم

الغالبية للاسف باحس ان جواهم حوض سمك فاضى

مافيهوش ولا سمكة

سورى اصدى ولا فكرة

انما لما تعرفت على عالم البلوجر

لاقيت ان صح زى ما قلتى لا دة فية وفية وفية

ناس يمكن يكونوا صغار السن

بس فكر واعى ومتماسك

وفى نفس الوقت لا يفتقد للمرح

تحيااتى الكبيرة اوى

صباح الصباح يقول...

سميرة

ويديم عليكى السعادة يارب دايما يا سموورة

صباح الصباح يقول...

m.k

صدق الرسول الكريم

صباح الصباح يقول...

نهر الحب

باذن اللة هاكون موجود واتشرف بمعرفتك الجميلة وكل المدونين الاصدقاء

تحيات وتشكرات كتييير

صباح الصباح يقول...

شاشا الجميلة

بس انا مش قادر افهم مثلا يا رشا.. ازاى شاب او حتى ولد ويلبس تى شيرت مطرز بالترتر!!!!!!!!!!

اذا كان موضتة اصلا بطلت عند البنات يقوم الشباب يلبسوة!!!!

دة اية المصايب دى

انما يمكن فعلا يكون معاكى حق وممكن تكون المظاهر خداعة

انا فعلا مش كبير اوى انما يمكن بحكم طبيعة العمل تعاملاتى كلها مع ناس كبار سنا او اجانب كتير عشان كدة يمكن اكون اتبهت عليا

صدى الصمت - عاشقة الورد - يقول...

بالفعل انا كمان لما دخلت عالم المدونات كنت فاكراه للناس الفاضية الرايقة الفافى لكن لما تعمقت فيه اكتشفت انه عالم خاص رائع يكشف المواهب و يخلق دائرة معارف جديدة و يربطك بالأحداث الجاريه وله دور نفسى كبير فى التخلص من الهموم و الأحزان
انه حقاً عالم جدير باإحترام

maha zein يقول...

ربنا يعلي روحك كمان وكمان
الحمد اللهانك مجتش عندي من يومين
كنت مبهدلة الدنيا
بس الحمد الله شيلت البوست الكئيب وبقيت احسن
اصلي بينيوبينك مليش في الكئابة
بلا غلب وارف
بس اللى جايل بقه والله يا صباح الصباح
انى مش طايقة المدونة
ومش عوزة اكتب فيها
وبشتمها كمان
رخمة
كتها دهية
ولا تصدق
حرام
هى ذنبها ايه
بس انا مش طيقاها اليومن دول
برغم اني بكتب فيها بردو

Ahmed Al-Sabbagh يقول...

والله كلامك الجميل بيخلى الواحد عنده أمل فى الحياة
كل سنة وانت طيب يارب

الريم يقول...
أزال المؤلف هذا التعليق.
mohra يقول...

صباح الصباح

جميل ان يشعر الانسان بهذه الراحه و الطمأنينه مع نفسه و مع الاخريين
بالفعل وجدت بين المدونين عقول ُتحترم قلما نجدها فى حياتنا

وكل سنه و انت طيب ...انت و سلطاتك و بابا غنوجك

اما ريم فلى رد على كلامك

المدونون جزء من المجتمع و طبيعى ان تجدى فيه مميزات و عيوب و مشاكل المجتمع النفاق الشتيمه اى شيء

اما عما يكتب الناس فالمشكله اننا نسفه كل ما يختلف عنا حقا...ما كل واحد حر يكتب اللى هو عايزه ان شالله يقول ريان يا فجل
لست من كتاب الشعر لكن من حق الاخريين ان يكتبوه و معروف ارتباط الشعر بالعاطفه و السياسه فى وطننا العربى مش جديده يعنى

اما ما لم افهمه هو ان المدونين من الاقاليم...يعنى ايه؟؟ هى اعلانات جواز؟؟ ما 75% من المصريين من الارياف..لا اقول هذا لانى من الارياف(ليست سبه بالمناسبه) بل انى قاهريه و من منطقه راقيه ..ربما نتطور بعد قليل و تنتقل الينا تلك الظاهره

اما موضوع السن و عدم الزواج فانا اراه منطقى لان الفراغ لاى نشاط غير متوفر بسهوله مع العمل و الزواج..اعتبريها هوايه اقله احسن من الشات و الgames لكن فى مدونات متزوجات و اخريات كن مدونات قبل الزواج واستمروا حتى بعد الانجاب (دعاء زوجه براء للاسف لا اعرف اسم مدونتها تقربا بنت بلد او شيئ مثل هذا)

اما عن التى تأكل العنب فى 40 قضمه فهى معجزه حقا و تستحق لهذا السبب وحده ان تكون فتاه الاحلام :)))))))

الاختلاف فى الرأى لا يفسد للود قضيه و لكن حقا اراك ثائره بلا داعى..فالتدوين نشاط اختيارى فى النهايه

تحياتى للجميع

صباح الصباح يقول...

صدى الصمت..

فعلا منهم ناس لها حس وذوق راقى بالفعل
ولا يدل ابدا علم سنهم

كان فية مدونة لبنوتة صغيرة اوى عندها يا دوب 13 سنة اسمها شروق بس للاسف اتمسحت لو كنتى متابعاها كنتى هتشوفى فكر واسلوب قد لا يتوفر لمن هم اضعاف سنها..

بجد واللة

صباح الصباح يقول...

مها زين

يا بنتى فكى بقى وبلاش وش الكابة اللى وقعتى فيد دة

هوة احنا حسدناكى والا اية!!!!!

صباح الصباح يقول...

احدم الصباغ

منورنا واللة يا فندم وربنا يخلى كا ايامك سعادة

صباح الصباح يقول...

الريم

اية بس يا ريم

الجميل متنرفز لية؟؟

اية اللى حصل

دانتى كنت ى اول واحدة بتموتى فى التدوين ومش بتفارقى الpc بتاعك

اية اللى حصل

يمكن تكونى اتخبطتى فى مدونة خنيقة بس مش كلة كدة

ثم اية المشكلة من الاقاليم

طب ما انا برضة من الاقاليم

ومش شرط يكون تفكيرهم زى ما بييجى فى المسلسلات الحمضانة فى التلفزيون

انا اتعرفت على كذا مدونة اصحابها من الشرقية واللة ناس جميلة جميلة بجد

واضح انك منفعلة حبتين

بصى يا ستى

اول ما المدفع يضرب

اضربى لك كوباية شيكولا لاتية وانتى هتبقى زى الفل

ههههههههههه
خلاص بقى بطلى انفعال

صباح الصباح يقول...

مهرة

ما شاء اللة على التفنيد الجميل
بس فين يا بنتى بوستاتك الجديدة من يوم الاولمبياد وانتى عاملة اضراب؟؟؟

ahmed_k يقول...

كل سنه وإنت طيب يا صديقي
فعلا كلامك حقيقي
بس أنا متاكد أن الشباب دولا
مش من اللي بيلبسوا ترتر وبنطلون ساقط هههههههههههههههههه
ألا نفسي أفهم ايه الحكمه والميزه
في إسقاط البنطلون ؟؟؟؟؟
ممكن تكون نوع من التهويه على
عضلات الظهر
علشان الواحد ميحصلوش شد عضلي ظهري

وبطل تقعد مع الناس العواجيز علشان متبهتش عليهم أكتر من كده هههههههه

الريم يقول...
أزال المؤلف هذا التعليق.
صباح الصباح يقول...

ahmed_k

صديقى العزيز مرحبا بك
تخيل دة حتى مسقطينة فى رمضان وبيبان حاجات عجيبة لا ولازم الماركة العالمية diesel والا اى زفت يبان عشان يكون واد كوول وكلاس

بجد تخلف بيور

صباح الصباح يقول...

الريم

اية بس

انتى لسة قافشاة

نووو احنا فى رمضان وما فيش حد يقفش ولا يكتئب

يا ستى لو المدونة اللى بتدخليها مش عاجباكى

خلاص ما تدخليهاش تانى ويادار ما دخلك شر

يا ستى ما يمكن اللى اسلوبة مش كويس فى الكتابة بشوية توجية وتشجيع بسيط يتحسن ويبقا جامد وكدة

انتى واضح ان فية حاجة تانية مزعلاكى

اية هية

اللة اعلم

المهم لما المدفع يضرب اضربى لك النسكويك والا اى حاجة حلوة كدة وكلة هيبقى زى الفل

ان شاء اللة

الريم يقول...

صباح الصباح

متسيب اللى يسقط يسقط

كل واحد حر
وبعدين تسقيط البنطلون احسن من تسقيط حاجة تانية

انا لى ابن اختى عنده 8 سنين وبيسقط

حتى بنطلون البيجاما

تخيل

بقيت عادة

وسالته ليه كده قالى عادى كل اصحابى عاملين كده

وبالنسبة للسترس

فاشون جدا السنة ديه


المشكلة فى ايه انا احنا عندنا مثل غلس

بيقول

كل اللى يعجبك والبس الى يعجب الناس

وللاسف الناس مبيعجبهاش العجب

فكل واحد احسن يلبس اللى يعجبه هو
يالا بااااااااى


علفكرة ده اميلى

عشان كنا منظمين لقاء للمدونيين

بس خاص شوية

alreem_20082@hotmail.com

ADMIN يقول...

اية ياعم الحلاوة دى

انسان وبس ! يقول...

اولا انا بجد اسف انى مجتش هنا بقالى كتير

وفاتنى اكتر من موضوع مهم

بس ملحوقه

وانا موافقك فى رأيك فى التدوين عموما

انا بحس ان عقول بتخاطب عقول ، بل وقلوب ايضا!

مش زى اى حاجه تانيه على النت
يعنى مثلا الشات بيحكمه اعتبارات كتيره ....منها ...الرغبه فى حوار ممتع لا اكثر ....نوع الطرف التانى بيأثر على الكلام .......الهزار!
انا عن نفسى بشيت مع قايمة الماسنجر كلها هزار فى هزار من غير فايده!

عكس التدوين

كل سنه وانت طيب

البوستات اللى فاتتنى هايله

وممكن اقراها دلوقت

Abu Shahin يقول...

انا لسه صديق جديد لكن بجد سعيد بمعرفتك

وفعلا عالم المدونين بيدينا امل وبياكد ان مصر مش كلها شباب هايف

أ / أحمد عبد المنعم يقول...

بسم الله الرحمن الرحيم
أسعدنى مرورى على مدونتك سعادة كبيرة
لأنى وجدت كلاما خارجا من القلب بوضوح وصراحة عاليتين
والحقيقة أن شباب اليوم أفضل من شباب الأمس بكثير وهذا ليس كلامى أنا بل كلام والدى ووالدتى رحمها الله يعنى الأجيال تتحسن وهذا ما أراه بطبيعة عملى كمعلم الخير يزداد بشكل متسارع جدا
وأكبر دليل هذا الشباب الموجود فى نطاق هذه المدونات فما يغلب عيه هو البر والخير والاحترام والعلم والمعرفة يسعدنى زيارتك لمدونتى والتعليق عليها
ommee

يوسفيات..محمد يوسف يقول...

وعلى الرغم من غن التعليق بتاعي ممكن يكون الستة وتلاتين



بس مش هيأس


أنا قلت واجب برضو مهما كانت الظروف إني اعلق حيث إني أول مدون سيادتك استفتحت بوشو النهاردة


عالعموم أنا مش عارف ليه انا مش ضمن الأسماء اللي انتا مش عاوز تقولها عشان متنساش حد


يمكن عشان أول مرة أقابلك كانت امبارح؟


إحتمال قائم برضو


مش هأقولك الكلمة المستهلكة "بوست حلو ".... الأحلى إنك ابتديت تحس بحاجة كويسة


ودي بداية مبشرة في حد ذاتها


أوعى تنسى تعدي


و




بوست حلو


:)

صباح الصباح يقول...

الريم

شكلك الحمد للة ضربتى النسكويك ورجعتى فى المود الجميل تانى

هايل هايل

انما فاشون اية العجيب دة .. فية برضة حد ادنى للاذواق المنيلة انما دول عدوااااا

صباح الصباح يقول...

شاب اسكندرانى

ربنا يكرمك يا رب وكل سنة وانت بالف خير

صباح الصباح يقول...

abu shahin

فعلا عالم جميل وان كان احيانا بنصطدم باراء غريبة نوعا ما الا ان الغالبية تفكيرهم بالفعل راقى وممتع

أكون أو لا أكون يقول...

صباح الصباح...
يارب دايما تبقى فرحان...
امم موضوع التسقيط ده حاله...! عجيبه غريبه...!
والله مره واحد بنطلونه ساقط...يعني هو لابس تحته الوان قوس قزح وكان المنظر مقزز... المهم كان بكلم المدرسه والبنطلون ساااااقط هلى الارض كله .... طبعا احنا مش مش قادرين نوقف ضحك...! وهو ولا على باله....! المهم المدرسه قاطعة كلامه... وقالت له اذا ماكنتش محترم وبتحترم اللي قدامك مش حتحضر حصتي بعد اليوم...! و صرخت عليه ارفـــع الجــــــيــــنــــز...! هههههه كانت حالة ضحك هيستيريه...

صباح الصباح يقول...

احمد..

كل عام وانت بكل الخير واشكرك كثيرا على تعليقك الرقيق.. اما بالنسبة للشباب ففيهم من يقدر فكرة بالذهب ومنهم للاسف من لا يعرف سوا اسماء لاعبى الكرة ومطربات لبنان الحلوين..

صباح الصباح يقول...

انسان بلا عنوان

نورتنا نورتنا وبالفعل من المدونات الحمد للة قدرت اكتسب معلومات وخبرات جميلة بجد.

صباح الصباح يقول...

محمد يوسف

تشرفت كثيرا بمعرفتك امبارح.. بس لو ممكن تغير الصورة اللى بالموبايل دى عشان نشوفك كويس.. انا اصلى ما عرفتكش خصوصا انك قلتلى ان المدونة اسمها (يوسفيات)

سرنى معرفتك وبساطتك فى التعامل ودمت بكل الخير

صباح الصباح يقول...

اكون او لا اكون

معقول!!!!

هوة يسقط اة انما يقع فى الارض

يادى الفضايح!!!

☼♫♪ عمــاد الدين يــوسف ☼♫♪ يقول...

طبعــــاً لسه في امل كبير في الشباب
وبجد انا فخور ان بلدي فيها نماذج جميله جدا بس للاسف النماذج السيئه هي الي باينه
تحياتي

لؤلؤة الاسلام يقول...

شكرا لك اخى صباح الصباح
على زيارتك


و على هذ البوست اللميز

و تحياااااتى
رمضان
كريم
و كل عام و انتم بخير

Unknown يقول...

صباح الصباح
اولا انا اسفة جداا على انى لم استطيع الترحيب بك كما يجب بحضرتك
والله انا فعلا اسفة جداا
انا بحثت عن حضرتك بعد خروجنا من غرف المرضى ولم اجدك
تقبل عذرى

صباح الصباح يقول...

عمدة..

انما لو دورنا اكيد هنلاقى شباب زى الورد كلهم افكار وابداع

نورتنى يا مان

صباح الصباح يقول...

خديجة محسن

انتى اللى شكرا جدا على البوست الاخير.. فكرة مبتكرة

صباح الصباح يقول...

نهر الحب

تشرفت جدا جدا بلقاءك واتمنى ان شاء اللة ان نلتقى فى مناسبات اخرى

سعيد بالفعل للتعرف على انسانة بهذا الرقى ودمتى بكل السعادة

شفـقــة و إحســــان يقول...

كل سنة وانت طيب ويارب سعيد ومبسوط دائما

Unknown يقول...

والله فعلا انا بعتذر لحضرتك بشدة بس فى الواقع انا مش سمعت اسم حضرتك وانت بتقولى واحرجت جداا اسألك فسألت عسقلانى بعدها وبعدين فعلا انا كنت مرهقة ومخضوضة جداا فأعتذر على قلة ذوقى فى عدم الترحيب الكافى بك
لكن والله انا بحثت عن حضرتك كتير عشان اقدر اعرفك على باقى المجموعه لكن حضرتك مشيت
عموما اول قدوم لك بورسعيد
ان شاء الله قولنا قبلها لاننا نحب نستقبلك هنا ان شاء الله طبعا لو تحب تتعرف على مدونين بورسعيد

ويارب تقبل اعتذارى الشديد
ونتقابل تانى على خير ولعمل الخير ان شاء الله
جزاك اللخ خيرا
و
تحياتى

شهد الكلمات يقول...

ادام الله عليك نعمة الراحة

و فعلا انا معاك في رايك عالم التدوين حسسني ان لسة البلد فيها خير و لسة في ناس دماغها حلوة و صاحية و حاسة باللي بيحصل و اللي هايحصل

تحياتي

صباح الصباح يقول...

شفقة هانم واحسان بك

وانتوا يارب دايما بخير وتكونوا اسعد زوجين ان شاء اللة

صباح الصباح يقول...

نهر الحب

اكيد يشرفنى اتعرف بمدونين بورسعيد وانا عموما باحب بلدكوا جدا جدا وليا فيها ايام احلى ايام

صباح الصباح يقول...

شهد الكلمات

يا رب احنا وانتوا نبقى دايما فى سعادة

غير معرف يقول...

هو فى ايه جيت ومجيتش ومشيت وومشيتش

ايه المفروض كانوا يفرشولوك الارض ورد ولا ايه وبعدين للدرجة ديه انت مؤثر ولا ايه ياعم كبر الانفخة من الاجتماعات ديه ديه كل واحدة رايحة عايزة عريس من المدونيين متعرفش انهم يا عينى عليهم ضربهم السلك وواقعين من عاشر دور والشباب الحلوين دول رايحين عشان يانتموا اه على فكرة انت مانتم

صباح الصباح يقول...

غير معرف

يا عم انا لا عاوز يتفرش لى ورد ولا حتى جرجير وفجل
ههههههههههه

يمكن كمان اكون اقل من ناس كتير اوى من المدونين اللى كانوا موجودين ويمكن زى مانتا بتقول فية ناس رايحة عشان عرسان وعروسات سواء ولاد او بنات

اللة اعلم

انما لكل مقام مقال

واحنا كنا فى مستشفى اورام اطفال

وفى عز الصيام والعصرية والجو حر جدا

والناس لا حاطة ميك اب ولا الشباب لابس بدل

كلة جاى كول وكلهم شباب زى الورد وصغيرين فى السن وبالتالى ما حدش جاى عشان كدة اصلا انما الكل جاى عشان هدف واحد وهو الخير لوجة ربنا سبحانة فقط وبس

وبعدين الانسة اللى انا باتكلم عليها دى جاية من محافظة تانية مع جروب كامل وتاعبين نفسهم كل دة عشان الخير لا عشانى انا ولا غيرى اكيد وهية فعلا انسانة راقية والجواب يبان من عنوانة

ومش هى بس كل اللى كانوا هناك شخصيات محترمة انما للاسف انا ما قدرتش اتعرف بيهم كلهم

انا طولت مش كدة
المهم كل عام وانت الى اللة اقرب وبخير

Unknown يقول...

طيب ممكن بقى
تجى مدونتى وتشوف تهيسى هناك على اللقاء ؟؟
ويارب فعلا مش تكون زعلان منى
لو انى لى عتب عليك انك مشيت ومش فطرت معنا

غير معرف يقول...

ايه يا عم ايه النظام البنية مالها مهيسة على الاخر كده ليه اخص هو انت اتنفضلك ولا ايه ومحدش سال فيك ولا عبرك عموما مردودلكم يا وحشين ومشيت من غير متفطر ليه طب كنت شربت عرقسوس ولا خروب ولا اى حاجة حتى مية طرشى اهو كنت عملت منظر وخلاص وبعدين قول لها بقى وجعتى دماغنا مش عايزين دوشة ياستى ابوس ايدك الراجل مزعلش ولا فرقت معاه خالص يا خراشى عليه معيطش ولا حاجة كبرى دماغى بأومتزهقينيش منك واحترمواااااا البيوت ان تدخلون اه اللى يدخل هنا يدخل بادبه والا ممنوع الدخول سلام يا عمنا

غير معرف يقول...

معلش نسيت حاجة هى الست مش من مصر ولا ايه ولا يمكن خواجاية ولبسة برونيطة على راسها ايه موضوع مش تكون زعلان ومش فطرت اسمها متكونش زعلان ومفطرتش ايه الهبل اللى بيتكتب ده حتى انتى يعنى من بورتو سعيد وايه عتب ديه اسمها عتاب واللى انتى عندك قاموس جديد خاص بيكى لوحدك كبرى دماغك بأالباشا مانتم سلام

شيماء الجمال يقول...

معاك حق :) جميل انالإنسان يلاقي ناس تشاركه أفكاره

الملاك الحزين يقول...

قرأت لك كتير بس أول مرة أعلق المدونات عالم جميل يستحق المغامرة
تحياتى

صباح الصباح يقول...

غير معرف..

ما انا قلت لك لكل مقام مقال

والانسة بتتصرف بس بذوق زايد نابع من شخصية كريمة ومضيافة فعلا

وبعدين اتنفض لى!!!!!!

هههههههههههههه

اكيد لا.. ام فيش حد رايح هناك فى دماغة حاجة من دى بالاساس.. داحنا فى مستشفى اورام.. وكمان للاطفال .. والمنظر هناك مؤلم جدا.. وامهات وستات بيعيطوا على باب المستشفى بسبب ولادهم التعبانين

كلنا رايحين عشان نساهم ولو بجزء بسيط عشان يحسوا بالسعادة اللى هية ادامنا طول الوقت وملا احنا حاسين بالنعمة الكبيرة اللى احنا فيها

ارجوك.. لو تسمح بلاش تجريح فى حد ولو مش عجبك موضوع ما عندى او عند غيرى ياريت من غير تجريح فى حد

ومرحبا بك وكل عام وانت فى خير وسعادة ومبارك عليك الشهر المعظم

صباح الصباح يقول...

شيماء الجمال..

كلامك حكم يا شيماء
وبجد انا فرحت اوى من البوست اللى كنتى كاتباة عن صاحبتك الاجنبية

الصداقة فعلا بلا حدود

صباح الصباح يقول...

الملاك الحزين

نورتينا ويارب تكون ايامك كلها اجمل من بعض

زُمُرده يقول...

هذا الجانب المشرق من شبابنا
ودول املي واملنا في بكره

يارب يقدروا ونقدر بيهم

يارب الحاله النفسيه دي تستمر وتحلو اكتر

انا مش معاك اننا نحكم ع الناس بالمظهر
لان في كتييييير مخهم حلو
بس بيمشوا ورا الموضه
او علشان محدش يقول عليهم رجعيين
او بيعتقدوا انهم بيواكبوا الدنيا كده
بس برضه مش معا التسقيط يعني

--------
في ناس راحت وشاركت ولا حكتليش حاجه
غمزه
------------

كراكيب يقول...

انا منهم.. هه هه منهم؟؟؟

تك تك تك
حد موجود
في حد هنا
يا اهل الداااااار
حد من الحريم خالع راسه

ازييييييك
عامل ايه كدة وايه اخبراتك مع رمضان يا بطل

انت بتتكلم في حاجة حلوة اوي وزي الفل
ايه بقى خصوصا اني حسيت ان عالم البلوجات ده وحشني اوي اوي علشان غايبة عنه من اول ما رمضان هل هلاله

اما بقى شباب البلوجات من بنات على ولاد.. ففعلا تحس برقي الناس دي جدا وجموديتها وانها عايشة وواعية اللي بيحصل حواليها مش تافهة وهايفة زي اللي احنا متخيلينه في شباب دلوقتي
مصر لسة بخيرها والله
مصر هتعلى بشباب بلوجاتها
أملك في بلوجاتك يا مصر
مصر.. شيلي النسر من علمك يا مصر وحطي بداله حرف B بتاع البلوجر

صباح الصباح... كل سنة وانت طيب وكويس وفل الفل ومن شباب بلوجات مصر

miro el niro kwaniro

حنين.. يقول...

احلى دنيا احلى عالم
عاالم تانىىىىىىىىىىىىىىىىىىىىىىىىىى
وفققك الله لما يحبه ويرضاه
دمت بخير
وكل سنه وانت طيب

Mona Shereif يقول...

فعلا والله عالم جديد وجميل
ومدونتى لقيت فيها راحه بشكل
ده غير حب المدونين لبعض
الحمد لله رب العالمين

صباح الصباح يقول...

زمردة..

يا ستى انا للاسف مش باعرف اوى احكى عن التجمعات الجميلة دى لانى مش اعرف معظم الناس اللى هناك بس التفاصيل موجودة فى مدونات اصدقاؤنا

قوس قزح ونهر الحب

كل سنة وانتى طيبة يا زمردة يا جميلة

صباح الصباح يقول...

ميرو النيرو كوانيرو

انتى فيييييييين

عود عبد الحميد

صباح الصباح يقول...

حنين

فعلا عالمنا الخاص وهو احلى عالم
كل عام وانتى بكل خير

صباح الصباح يقول...

sometimes

يارب نشوفك دايما فى احسن حال يا رب

دعاء مواجهات يقول...

شكرا ليك انت كمان

لأنك جزء من العالم دة

الىل كتير مننا لقى نفسه فيه

تحياتى ليك

صباح الصباح يقول...

دعاء مواجهات..


جزاكى اللة كل خير اختى العزيزة