٣ يوليو ٢٠٠٨

ملوخية... ملوخية

اية دة؟؟؟ هوا أنا نمت كل دة ؟ معلش واضح انى تقلت العشا حبتين فخبطت لى يجى تمن تسع شهور انتخة.. بس تصدقوا ! مش عارف شكلى عاوز انام تانى.

الجو اليومين دول حر جدا لدرجة انى تخيلت ان فية عصفورة وقعت من السما مشوية جاهزة من الحر؟ يمكن باحلم؟ او تاثير العشا؟ اهو عموما بعد كدة غالبا لا فية عشا ولا غدا ولا اى حاجة وغالبا هتكون الوجبة الرسمية رمل وزلط ؟

مش عارف اية اللى خلانى اتجنن واقول ما تروح يا واد شبرق نفسك واشترى كيلو والا اتنين لحمة ؟ ومش عارف يا خويا اية الجراةا دى ولقيت نفسى واقف قدام الجزار وعمال يبص للساطور فى ايدة ويبص لى؟ منور يا سيدنا لفندى..

احمم .. يا سلام لحمة !!! اةةةة فاكر شكلها؟ اية دة ! بافرك فى عينيا! لا دة بجد بافرك تانى يمكن اكون لسة متنيل نايم! !!! الكيلو ب 48 جنية؟؟؟؟؟ معقول أنا فاكر انها قريب اوى كانت ب 23 او بالكتير اوى 25 جنية؟؟ طب اقول اية للراجل؟ ادينى تمن كيلو؟؟ طب حط لى عضمتين فى كيس وابوس ايدى شعر ودقن؟ يا نهار فحلؤى غامق مممكن تطلع فى الاخر لحمة كائنات جميلة لها ديل وبتهوهو او يمكن متطورة اكتر وبتنهق؟ ولسة هافتح بقى....

هناك ٤ تعليقات:

غير معرف يقول...

sabah elsabah 3la r2yk w 7amdella 3la elsalama b3d tool ghyab el7a2ee2a enta mesh m7tag tnam kteer 3lshan tofag2 en se3r ay 7aga etghayer enta mmken t3sel 2 min w tes7a tla2y el oxygen nafsoh ghely w 3la r2y elsha3er yeb2a ent akeed fy misr and finally welcome back again

000000 يقول...
أزال المؤلف هذا التعليق.
maha zein يقول...

اممممممممممممممممممم

خليك فى الملوخية احسن
بس هتها بعد ما تقدم في السوق شوية لانها غليت بردو بقت بتاع خمسة جنية
يعني استني اما تبقه ببريزة
وشوفلك كلبين ولا حاجة في الشارع وزيط يا عم
وفر فلوسك يا جدع
طالما انت عارف الي فيها
اتعامل انت بقه
قال كائنات قال
حرامك عليكم يا جرعاااااان
انا كل ما نفسي تتفتح لاي اكل الناس تارفني ليه
ليه
حرام عليك يا صباح الصباح
مدونة جميلة اوي
مش ملانة وانا بتصفحها
وقربت اخلصها اهه
دمت مبدعا

صباح الصباح يقول...

طب هنعمل اية يا مها.. ماهو كل حاجة بقت مجهولة المصدر.. العنب طعمة زى ورق الجرايد.. اللبن!!! طعمة لا لبن ولا حتى محصل مية.. كل حاجة مضروبة..
نورتيييييينى جدا جدا ودمتى بالف خير.