١٦ يناير ٢٠١٠

لحظة هدوء



لية الناس بقت كدة

كل يوم باشوف كمية حوادث تقطع القلب على الطريق الدائرى وفى الاوتوستراد

ناس كانت رايحة الشغل مستعجلة

ناس رايحة تقابل ناس بتحبها

وناس رايحة اول يوم فى شغلها

وناس بتحلم وناس بتتمنى

كل دة يموت وينتهى فى لحظة

لحظة تهور تنهى حياة العشرات

تحطم امالهم وامال كل اللى بيحبوهم

عشان خاطر الناس اللى خايفة عليكوا

لحظة هدوء

هناك ١٢ تعليقًا:

صيدلانيه طالعه نازله يقول...

كلنا بقينا مستعجلين و بنجرى باسرع ما عندنا و طبعا مش بناخد بالنا من ان الخطر قريب اكتر مما نتصور
انا ببقى مسافره كتير على الطريق و قلبى بيوجعنى من كتر العربيات المقلوبه و المحروقه
ربنا يستر علينا و على الجميع من الطريق و ما يخفيه

saragebaly يقول...

عمر الاستعجال والتهور والسرعة ما بيحققوا حاجة

في التأني السلامة وفي العجلة قلوب بتتقطع على ناس غاليين راحوا

*********

دراسة ايه بس؟؟

صح .. انت غيبت كتير اوي

انا اتخرجت الحمدلله السنة الي فاتت

وحاليا .. بعمل دراسات عُـليا في القانون العام

دعواتك معايا


صباحك جميل ان شاء الله

سارة

Tears يقول...

فعلا الحوادث اصبحت ظاهرة خطيرة فبين السيارات و القطارات اصبح المواطن يعيش فى هلع

جلال كمال الجربانى يقول...

السلام عليكم

فعلاً ضحايا حوادث السيارات فى عام واحد
أكثر من شهدائنا فى حرب أكتوبر
معظم طرقنا غير مطابقه للمواصفات
والنفوس كمان
الفساد ياصديقى طال كل شىء
لعنه الله عليه

ودمت بخير حال

مي يقول...

ربنا يستر علينا

اول زيارة لمدونتك وعجبتنىىىىى جدااااااا وتصفحت اوراقها الرقيقة المعانى
تقبل مرورى

☼♫♪ عمــاد الدين يــوسف ☼♫♪ يقول...

بصراحة الناس بقت بيعاها يزميلي ، حتى وصل الموضوع اني في مره كنت راكب ميكروباص والسواق كعادة سواقين الميكروباص اللي بيقوللهم ( من طور لماتور )

المهم انه كان سايق بسرعه الركاب قالولو ( هدي السرعه يسطى ، لو على الموت مش مشكله بس مش عايزين نترمي في المستشفيات ..)
معتقدش شعب بالياس ده ممكن يعمل حساب اي شيء وهو في الشارع

صباح الصباح يقول...

صيدلانية

ربنا يحفظك فى الطريق ولو بتسوقى ياريت يكون بالراحة وبلاش السرعة ففى التانى السلامة

صباح الصباح يقول...

سارة

دراسات عليا فى القانون العام...
ما شاء اللة ما شاء اللة ربنا يتمم لك على خير وتجيبى امتياز كمان

صباح الصباح يقول...

tears

واللا كمان حوادث القطارات اللى بقت بشعة وبيروح ضحيتها المئات وببشاعة

ربنا يلطف بالعباد

صباح الصباح يقول...

واحد من العمال

بالضبط يا استاذى
الفساد هوة السبب فى كل دة ... ربنا يرحمنا جميعا

صباح الصباح يقول...

مى

اشكرك كثيرا على الاطراء الرقيق ونورتى المكان ... مدونتك ومطرحك

صباح الصباح يقول...

عمدة

باشا صباح الخيرات

الناس ما عادش فارق معاها موت من حياة ماهما اصلا عايشين زى الميتين