قرب قرب يا محترم
عندنا اللوجوهات للعربيات
خد فكرة واشترى بكرة
عندنا اللوجوهات للعربيات
خد فكرة واشترى بكرة
مين قال هااات؟
وانا ماشى فى الشارع بقى عندى هواية عجيبة كدة انى اقرا الكلام اللى بيكتبة سواقين العربيات
خصوصا سواقين التاكس!
خد عندك مثلا:
الحلوة دى من الدويقة
ما تبصليش بعين رضية بص اللى اتدفع فيا
عضة اسد ولا نظرة حسد
البطة المرتاحة للسفر والسياحة!!!
بطة اية وفرخة اية بس ايخرب عقولكوا مليتوا البلد
لا وتلاقيلك توك توك صغنن حلو كدة يقولك
....... بس يحير (معلش انا ماقدرتش اكتبها عشان قليلة الادب حبتين)!!!
يا ولاد التيييت هية حصلت؟؟
وبقى كل من عندة اربع كاوتشات متركبين فى قالب جبنة فيتا ولوحين صاج عامل فيها مايكل شوماخر فى زمانة وماشى بيجرى زى برغوت سكن جسم كلب فى الشارع ونازل نط نط نط
العربيات بتنط من اليمين والشمال زى الضفادع فى سباق رالى الفراعنة
لازم نشوف لهم حل.. يا نوفر لهم سرايات صفرا او نوفر لهم الكلل!
هناك ٤٨ تعليقًا:
اووول تعليق
كيكيكيكييكيك
صباح الفل
برغوت سكن جسم كلب فى الشارع ونازل نط نط نط
-----------
هههههههههههههههه متخيله المنظر بجد
بس علي فكره الهوايه دي واضح انها مش عندك لوحدك في كلام كتييييييييييير بيبقوا كاتبينه
--------
ازم نشوف لهم حل.. يا نوفر لهم سرايات صفرا او نوفر لهم الكلل!
---------
هي سرايات صفرا تومام اوي فل
اهو يرتاحوا
تحياتي
كيارا
اعتقد ده نوع من التنفيس عن الذات
يعني الواحد مش بيقدريتشطر علي اي حاجة ولا يخاطب اي حد الا من خلال العربية الصغيرة بتاعته دي
وعشان كدة تلاقي الحكاية في في عربيات غالبا اصحابها غير متعلمين او انصاف متعلمين .. وتلاقيهم من مناطق عشوائية جداا مش عشوائية بس .. وهكذا
يعني ده بالنسبة لهم تعبير عن الذات
صحيح ساعات بيكون فيها تجاوز طبعا بس ده مجرد نفس لهؤلاء والعلاج يكون مش باننا نمسح الكلام من علي العربية او نوديهم السرايا الصفرا
لا
العلاج اننا نوفر ليهم حياة اكرم وفكر ارقي وبيئة مختلفة .. هيختلفوا هم كمان
الا قلة قليلة دول النسبة المريضة في اي مجتمع
صباح الفل
برغوت سكن جسم كلب فى الشارع ونازل نط نط نط
هههههههههههههههههههالتعبير دة هلكنى من الضحك
فعلا فى البلد دية الاى معاة اى حاجة ماشية على 4 عجلات اكنة ملك زمانة
طب اتنت ما شفتش باة الصندل و الا فردة جزمة عيل صغير تتعلق فى العربية من وراء و عد و لا تحصى من الاشياء الاى بنشوفها و لسة ياما هنشوف
بس تفتكر لو راحوا السرايا الصفراء مش ممكن نظلموا الاى فيها ؟؟
ههههههههههههههه
علشان بس تعرفوا ان شعب مصر كلو ادباء وشعرا ههههههههههههه
طيب تعرف ان في سواقين بيكتبو على عربياتهم كلمة : للبيع
وده علشان الناس تقول يحرام ده بيخسر يعني علشان الحسد
ههههههههههههههههه
تحياتي
لا بجد واو عربيات هايلة وفنتستك انا عايزة واحدة ممكن
البوست دمه خفيف وحمولته تقيلة
هههههههههههه
فعلاً لازم نشوف حل للعربيات ال بقت أكتر من البنى آدمين إحنا تعبنا من مشاكل المواصلات وزحمة الطريق كل يوم
وفلسفة قواعد المرور الخاصة بالسواقين
صباحك سكر....
بجد بحب أقرا الممكتوب على العربيات
حاجات بتفطس ضحك....
وخصوصا عندكم في مصر ...
بس ايه الأمثال الجامده دي...
ربنا يكون في عونكم..
....
تحياتي
ههههههههههههههههههههههه
انا كمان بحب اقرى الحاجات دى اوى
يلا سيبهم ينفسوا شوية ممكن يتهدوا
والله التك تك ده هو اللى حكايته حكاية بحس صراصير ماشية فى الارض ههههههههههه
بوست دمه خفيف كالعادة ولا الدخلة بتاعت الموضوع انا اتنبالك بمستقبل باهر ههههههه
تحياتى
ايمى
كيارا
ههههههههههه
هية السرايات الصفر هتلاحق على اية والا اية
دة نص اللى بيطلعوا فى برامج التتوك شو متهيالى نتخرجين من هناك
كوشيا
لا صحيح وتلاقى كمان واحد راكب توك توك ومركب علية بادج مرسيدس!!!!
طب ماهو برضة للجنان حدود
او يمكن احنا اللى مش عارفين وتكون مرسيدس بجد بدات تعمل انتاج شعبى خاص بالتوك توك والة اعلم ممكن يتطور ويبقى بتكييف وdvd
اما بقى بالنسبة للحياة الكريمة!!!!
تفتكرى ممكن فى البلد العجيبة دى ومع الحكومة العسولة دى؟؟
صباحك سكر وعسل وبسبوسة كمان
نونا
دة همة اللى فى السرايا الصفرا هيعلموهم الادب وبدل ما يعلقوا صندل هيعلقوا كسرولة مقلوبة
ههههههههههههههههههههههه
الا بجد هوة اشمعنى بيعلقوا صندل.. مش يمكن صاحبها جزمجى؟
عمدة
منورنا يا مان ومبروك النيولوك الجميل للمدونة
هوة من جهة شعرا فدول معديييييييييين
شفقة هانم واحسان بك
مممممم مش عارف انا متهيالى العربيات دى كلها اتباعت
بصوا انا ممكن احجز لكوا واحدة بس لازم تدفعوا عربون
انتوا عارفين دى بالطلب
ههههههههههههههههههههه
صدى الصمت
انتى بتقولى فيها.. انا امبارح كنت فى المعادى وعشان اوصل المنيل قعدنا فوق الساعة زى ما نكون طابور نمل او افيال وحاجة بجد سخيييفة جدا لدرجة انى ياست وقلت هاخدها بقى عوم ودة الحل الوحيد
m.k
اهوة العربيات دى المفروض تتحط فى المتحف ويقطعوا لها تذاكر زى السيرك كدة
ههههههههههه
ايمى
هاهاى هاى هاى
صراصير ماشية فى الارض
تعبير تحفة ومتجنن جدا
بس تصدقى شكلها شبة الصراصير او الخنافس
صباح الفل
تعرف انا بحب اقرأ الكلام اللي بيكتبوه السواقين على عربياتهم جدااااا
تحس انها كدا زي عصارة افكارهم وخلاصة تجارب سنين الجري ع الاسفلت...
بس اللي عامل قلق بجد التوك توك ، تحس كدا انها حاجة صغيرة وبتطلع من اي حتة وبتعدي من اي مكان..
انا بقترح نعمل يوم للمشي بدون عربيات او نستخدم البسكلتة ،مع اني مابعرفش اركبها، والله بجد ودا صحي على فكرة
بس ياترى ينفع نطبقه في مصر؟؟؟
يمكن في الالفية الرابعة!!!!
احتمال
تحياتي
هههههههههههههههههههههههه
حلو التشبيه بتاع البرغوت والكلب دا
بس انت عارف رغم ان فى حاجات ماافورا فعلا فى اللى بتكتب لكن فى حاجات تحفه لا و بتبقى موزونه كمان
بس هو زى ماقال بعض المدونين بيبقى تنفيس
يعنى احنا بنفس فى المدونه وهما على العربيه بتاعتهم
لكن هو يعنى لو فيها غلاسه معلش
مين مايكل شوماخر دا D:
هههههههههههههههه
أيه يا محمد انت ماشي عينك على
الحكم السواقيه
بس أنا بأيدك لازم الحكومه تشوفلهم حل
يا إما توفر الكلا هههههههه
صباح الصباح
ازيك
بس والله كنت مشغولة اليومين اللى فاتوا
وبعدين انا معيدة عليك
ايه رايك فى متبصليش بعين رضية بس للى مدفوع فى
انا عشان بسافر كتير فبتباع عربيات النقل والمقطورة وغالبا بقرا
العبارة ديه
بس ايه الى فكرك بالموضوع ده
دايما بوستاتك مبتكرة
سميرة
على فكرة
اقتراح البسكليتة جميل اوى بس للاسف انا كما مش باعرف اركبها والمرة اللى ركبتها كنا فى مرسى مطروح وكنت باجرى بيها من منحدر ولقيت عربية جاية بالعكس وستر ربنا انى لسة عايش لحد دلوقتى
لا يا عم انا مش راكب بسكلتتات تانى
ضد التيار
منورنا بجد
مايكل شوماخر دة المصنف رقم واحد على العالم فى سباقات الفورميولا وان اشهر سباق سيارات فى العالم
وبجد اللى بيكتبوة السواقين على عربياتهم ساعات بيكون مسخرة ويهلك من الضحك
ahmed_k
ههههههههه
بالضبط الحل نوفر لهم الكلل واهو ان ما نفعتش نبقى نلزق بيها العربيات المدغدغة دية
صباح الورد
الريم
ازيك يا بنتى
معلش انا عارف انك اتطحنتى فى الايام اللى فاتت والشغل كتير بس ان شاء اللة تاخدى اجازة وتطلعى تبلبطى فى اسكندرية طول اليوم
الموضوع دة جة فى بالى لما شفت اللوجو بتاع شركة سفريات على قد حالها كدة كاتبة
(البطة المرتاحة للسفر والسياحة)!!!
ياااااااا سلام
هى وصلت كمان للبط؟؟؟
يا نوفر لهم سرايات صفرا او نوفر لهم الكلل
ههههههههههههه
انا برده بلاحظ الكتابات دى و مش فاهمة هى الغرض منها ايه
اعتقد جهل لسة فيه ناس فاكرة ان الكلام ده بيمنع الحسد و كده
او الكلام ده دليل المنظرة و الفشخرة داء العرب الى عمرهم ما حيخفوا منه ابدا
صبح صبح ،
واحد شعبي ساكن في حتة شعبية ومش متعلم وآخره دبلوم وبيسوق ميكروباص أو توكتوك عايزه يكتب إيه مثلا ، قصيدة لأحمد شوقي أو عمرو بن كلثوم!!
تخيل عربية مكتوب عليها:
ألا هبي بصحنك فاصبحينا !! هههههههه
دي ح تبقي عربية نكتة
إنما لو مكتوب عليها:
ألا هبي بطشتك فاسبحينا أو"فاستحمينا" تبقي مبلوعة شوية
الموضوع كله جزء من ثقافة الجهل والصياعة المنتشرة في بلدنا.
وعلي رأي عادل إمام في عمارة يعقوبيان : "احنا ف زمن المسخ"
خالص تحياتي
دمت بكل الخير
والله ضحكتني وانا ماليش نفس اضحك
عارف أنا عندي نفس الهوايه بس أنا عندي بقالها سنين لدرجة ان كان عندي أجنده بكتب فيها الكلام ده وأقعد اضحك عليه شفت وصلت عندي لحاله مستعصيه وبالذات عندنا في الصعيد التعليقات تفطس من الضحك خد عندك :
راجعلك يا سالي
احترس السائق صعيدي
والنبي ما انت خابطها ده انا لسه مظبطها
اللي هيعديني هتاويه
استخبا يا ولد خوى جدامك لجنه
معاك حشيش لأ ما تقوليش
و الشباب الروش عندنا اللي عربياتهم مهكعه بيكتبوا بالانجليزي طبعاً
عربيتي الثانيه جاجور
أو كلمة أبو يعني
أبو الباشا
أو ماتركس
يااااااااااه
ده عالم تاني أهه الواحد بيسلي نفسه في السفر
سلااااااام أحسن هنام ههههههههه
إللى بنشوفه مكتوب ده على كل شئ ذو أربع عجلات بيدل على شيئين : أولا إننا شعب حاضر البديهة وظريف ، وثانيا إننا شعب كله أدباء وفلاسفة ومفكرين
لكن احيانا بنلاقى كلام أوفر أوى وخارج عن النص ، وده بقى لازم يختفى
أنا بقى شايف إننا نعمل لهم سندوتشات مربى بالجبنة أحسن ههههههه
دمتم بكل خير ..تحياتى
إيه رأيك في دول كمان:
-من حق الكبير يدلع.
-يا تهدّي .. يا تعدي.
-ما تبحلقش كده يا لوح دي جت بطلوع الروووح
-الرحمة حلوة.
-المنحوس منحوس .. ولو علقوا في رقبته فانوس
-ربنا يحميكي .. من الميكانيكي.
-سوزكوي تهنيني.. ولا تويوتا تبكيني.
- لا احنا زي حد .. و لا حد زينا.
شعب نكتــــــــــــة
ميئوس منه !!
عاليا
بس تصورى فية برضة حاجات تفطس من الضحك
بس الوحش اوى ان فية حاجات قليلة الادب بيكتبوها بالانجليزى قال يعنى ماحدش هيفهم!!
الفوهرر
انتا فين يا مااان
وفين بوستاتك الجامدة؟
هههههههههه
الا هبى بطشطك فاسبحينا
هوة انتا بتجيب الكلام دة منين؟؟؟؟؟
نيجار
اةةةة دى بقى تعليقات من الصعيد الاصلى
خصوصا وسع ياولد خوى
بس بجد دى حاجات لذيذة وعاملة جو؟؟
بعدين تعالى هنا!!
اية وش الكابة دة مالك مبوزة لية؟؟؟
د رامى
دانتا لو عملتلهم السندوتشات دى هيبدعوا ويبهدلونا اكترررررر
قطرات
اية يا بنتى دة كلة
جبتيهم منين وامتى؟؟
ههههههههههههههه
حاجة كدا من نوعية فتح يا بنى فتح!!
اذيك واخبارك؟
اديني ريحتكم مني اهه
بس بردو قلت اطل مع اني بقرالك بس مش بعلق لاني فعلا حبيت ارتاح شوية من النت
عموما موضوعك شدني اصلي ليقيت حتة تعليق ملزوق علي عربية جيب من ورا تحفة
الراجل لازق جملة
هدوس علي قلبي
عجبني اوي
شوف
وصلت بيه الدنيا انه يكتبها علني للكل
هدوس علي قلبي
والصراحة ان الجنملة دي شدت اصحابي اللى كانوا جنبي بردو
في نفس الوقت
حلوة صح
يلا اروح انا بقه
أرجو منك ومن جميع زوار مدونتك أن يقرأوا يوميات عانس:
http://yawmiyat3aness.blogspot.com/
مها
ازيك يا جميل واية اخبارك
انا بقالى فترة بعيد عن المدونة عشان الشغل بس الحمد للة الامور ماشية بيس
حلو جدا هادوس على قلبى
انا بقى شفت واحد انقح معلق بوستر على العربية بلغة اهل الفرنجة بيقول اية بقى يا ستى:
if you don't like my driving; go and drink from the sewage
!!!!!
يعنى بالبلدى كدة لو مش عاجبك سواقتى يابن التييت اشرب من البلاعة!!!!!!!!
شهد الكلمات
بس للاسف انا مش عندى اكونت على الفيس بوك ومش باحب استعملة بالاساس
انما الفكرة حلوة ومبرووووك الجروب
عبير سليمان
ان شاء اللة ونورتى المكان
فينك يا محمد
طولت الغيبه عننا خالص
متعودين تواصلك الدائم
عسى مانعك هنا خيرا
طمنا عليك
هههههههههههههههه
والله موضوعك تحفه
فعلا اشساء غريبه يكتبونها اصحاب هالسيارات
او للدقه ما نقول سيارات
نقول اصحاب وسائل النقل البريه:)
صباح الصباح
ازيك يارب تكون بخير
سمعت انك منقطع من فترة يارب يكون المانع خير
فى مصر نحن متفنين فى الكتابة على كل شئ وخاصة العربيات للتنفيس عن ما يدور فى خلدنا او حتى للرقى من العين والحسد
او التعبير عن احلام مكبوتة او من باب
الكيد لشخص اخر يعنى تعددت الاسباب
والتشوية واحد
للاسف عادة شعبية مش لطيفة فى اكثر الاحوال
موضوع حلو
لا تطيل الغيبة
ان شاء الله فى لقاء فى بورسعيد
يوم 14/11 يوم الجمعه
هنروح دار ايتام وبعدين هنروح نتغدى وبعدها هنطلع على البحر شوية
لو تحب تاخد برد ياريت تشرفنا
اكون سعيدة جدا لو تواجدت معنا
كل الاحترام والتقدير
ahmed_k
ابو حميد
اخبارك اية يارب تكون كلة تمام.. انا اسف جدا بس الايام دى عندى شغل كتير ومش ملاحق ابدا على اى حاجة
ان شاء اللة الموضوع يتحسن عما قريب..
اقصوصة
ههههههة
وسائل النقل البرية
هههههههههه
سلاحف مثلا؟
جميل اوى الكومنت
نهر الحب
اهلا اهلا بالبورسعيدية الغاليين
اخباركوا اية وكمان اخبار ابو خالد اية؟
هوة لسة مش بيرد على حد وما رجعش المدونة؟؟؟؟
هوة بس اية اللى حصل لدة كلة.. دة شخصية جميلة بجد واحنا كلنا بنحترمة وبنحبة
إرسال تعليق